છેલ્લા કેટલાક વર્ષોમાં ભારતમાં બેંકિંગ ક્ષેત્રેના આવા ઘણા અહેવાલો આવ્યા છે, જેનાથી સામાન્ય લોકોમાં ચિંતા વધી ગઈ છે. હવે આવા જ એક સમાચાર Citi Bank તરફથી આવી રહ્યા છે. આ કેસને બેન્કિંગ ક્ષેત્રના ઈતિહાસમાં સૌથી મોટી ભૂલ (બ્લંડર) ગણવામાં આવી રહી છે. ખરેખર આ કેસ કોસ્મેટિક કંપની રેવલોન (Revlon) સાથે સંબંધિત છે. આ કંપનીને કારણે બેન્કને 500 મિલિયન ડોલર (લગભગ 3,650 કરોડ રૂપિયા)નું નુકસાન થયું છે. આવો જાણીએ કે આ આખો મામલો કેવી રીતે બન્યો
મનીકંટ્રોલના અહેવાલ મુજબ સિટીબેંકે આકસ્મિક રીતે 500 મિલિયનની રકમ કોસ્મેટિક કંપની રેવલોનને ટ્રાન્સફર કરી દીધી હતી. એક અધિકારીની ભૂલને કારણે ટ્રાન્સફર કરેલી આ રકમ બેંક પછી ખેંચી શકી નથી. કારણ કે બૅન્કની ભૂલને કારણે કંપની ભૂલથી ટ્રાન્સફર કરેલ આ રકમ પરત નથી કરી રહી. જેના કારણે મામલો અમેરિકાની કોર્ટમાં ગયો હતો. કોર્ટે બેંકની ભૂલને બેન્કિંગ ક્ષેત્રના ઈતિહાસમાં સૌથી મોટી ભૂલ (બ્લંડર) ગણાવી છે.
આ મામલો ઓગસ્ટ 2016નો છે, જ્યારે Citi Bankએ કોસ્મેટિક કંપની રેવલોનને 1.8 મિલિયન ડોલરની લોન આપી હતી. મોટી બ્રાન્ડ હસ્તગત કરવા કંપનીએ આ લોન લીધી હતી. પરંતુ બેંકના સોફ્ટવેર ભૂલને કારણે 500 મિલિયન ડોલરની રકમ ભૂલથી ટ્રાન્સફર થઈ ગઈ. બેંકના કહેવા મુજબ આ ભૂલ તેમના સોફ્ટવેર આઉટડેટેડ હોવાને કારણે થઈ હતી, જેના કારણે ભૂલથી રકમ કંપનીમાં ટ્રાન્સફર થઈ ગઈ. પરંતુ કંપનીએ આ રકમ પરત કરવાનો ઈનકાર કર્યો હતો. તે પછી કેસ અમેરિકન કોર્ટમાં ગયો. કોર્ટે પણ સ્વીકાર્યું કે આ બેંકની સૌથી મોટી ભૂલ છે.
લગભગ 4 વર્ષથી કોર્ટમાં ચાલી રહેલા આ મામલે અમેરિકન કોર્ટે સ્પષ્ટ કહ્યું છે કે બેન્કિંગ ઈતિહાસમાં આ સૌથી મોટી ભૂલ છે. આનો અર્થ એ કે હવે સિટીબેંકને આ ભૂલ માટે મોટી સજા ભોગવવી પડશે અને 500 મિલિયન ડોલર લગભગ 3,650 કરોડનું નુકસાન થશે. આ પહેલા પણ બેન્કિંગ ક્ષેત્રે આવી કેટલીક ઘટનાઓ બની છે, પરંતુ પૈસાની બાબતમાં આ અત્યાર સુધીની સૌથી મોટી ઘટના છે.
AFPના અહેવાલ મુજબ, Citi Bankના પ્રવક્તાએ કહ્યું છે કે અમે કોર્ટના આ નિર્ણય સાથે સંપૂર્ણપણે અસંમત છીએ. આ રકમ ભૂલને કારણે ટ્રાન્સફર થઈ છે અને અમે તેને પુન:પ્રાપ્ત કરવાનો પ્રયાસ કરતાં રહીશું.