Afghan Military Plane Crashed: અફઘાનિસ્તાન (Afghanistan)નું સૈન્ય વિમાન ઉઝ્બેકિસ્તાનમાં (Uzbekistan) ક્રેશ થઈ ગયું છે. આ વાતની જાણકારી મધ્ય એશિયાઈ દેશના રક્ષા મંત્રાલયે આપી છે. ઉઝ્બેકિસ્તાનના રક્ષા મંત્રાલયના પ્રવક્તા બોખરોમ જુલ્ફીકારોવેએ સમાચાર એજન્સી AFP સાથે આ સમાચારની પુષ્ટી કરી છે.
તેમને કહ્યું કે સૈન્ય વિમાને ગેરકાયદેસર રીતે ઉઝ્બેકિસ્તાનની સરહદ પર કરી હતી. આ મામલે હાલમાં તપાસ કરવામાં આવી રહી છે. મીડિયા રિપોર્ટસ મુજબ આ ઘટના રવિવારે દક્ષિણી પ્રાંત સુરખોંડારિયોમાં થઈ છે. જેની સરહદ અફઘાનિસ્તાન સાથે જોડાય છે.
Afghan military plane crashes in Uzbekistan: AFP #Afghanishtan #TV9News
— tv9gujarati (@tv9gujarati) August 16, 2021
અફઘાનિસ્તાનમાં રવિવારે જ તાલિબાન રાજધાની કાબૂલ (Kabul) સુધી પહોંચી ગયું હતું. ત્યારબાદ સરકારે તેમની સામે ઘુંટણ ટેકવી દીધા અને પછી શાંતિથી સત્તા સોંપવાનો નિર્ણય લીધો. તે પછી રાષ્ટ્રપતિ અશરફ ગની અને ઘણા નેતાઓએ દેશ છોડી દીધો છે. અશરફ ગની પહેલા તાજિકિસ્તાન પહોંચ્યા હતા પણ ત્યાં તેમનું વિમાન લેન્ડ થવાની પરવાનગી આપી નહતી. ત્યારબાદ હવે ઓમાનમાં છે. હવે એવી ચર્ચા છે કે અશરફ ગની અમેરિકા જઈ શકે છે.
Published On - 6:08 pm, Mon, 16 August 21