Viral Video : ‘હું શાળાએ જવા માંગુ છુ’ અફઘાન બાળકીનું શક્તિશાળી ભાષણ થયુ વાયરલ, જુઓ વીડિયો

અફઘાનિસ્તાન (Afghanistan) પર કબજો કર્યા બાદ તાલિબાનોએ (Taliban) છોકરીઓને શાળાએ જવા પર પ્રતિબંધ લગાવી દીધો છે. હાલમાં એક અફઘાન છોકરીનો વીડિયો વાયરલ (Viral Video) થઈ રહ્યો છે, જેમાં તે કેટલાક વધુ બાળકો સાથે તેના અધિકારોની માગ કરી રહી છે. આ વીડિયો સોશિયલ મીડિયા પર વધુને વધુ વાયરલ થઈ રહ્યો છે. તેમજ લોકો તેને શેર પણ કરી રહ્યા છે.

સોશિયલ મીડિયા પર વાયરલ થઈ રહેલા વીડિયોમાં એક અફઘાન છોકરી તાલિબાનને પડકાર આપી રહી છે અને પોતાનું શિક્ષણ ચાલુ રાખવાની માંગ કરી રહી છે. તેમના આ ભાષણને દરેક લોકો પસંદ કરી રહ્યા છે. એક મિનિટના વીડિયોમાં તે નિર્ભયતાથી તાલિબાન નેતાઓને પૂછતી હતી કે તેઓ કોણ છે જે તેમની પાસેથી અધિકારો અને તકો છીનવી લે છે. જ્યારે સ્ત્રી અને પુરુષ બંને ‘અલ્લાહ’ની સામે સમાન છે. આ વીડિયો અફઘાન પત્રકાર બિલાલ સરવારીએ ટ્વિટર એકાઉન્ટ પર શેર કર્યો છે. ત્યારથી આ ક્લિપ વાયરલ થઈ છે.

યુવતીની બહાદુરીની પ્રશંસા કરતા, તેના શક્તિશાળી ભાષણની પ્રશંસા કરતા વિશ્વભરના લોકો સાથે તેનો શક્તિશાળી સંદેશ શેર કર્યો.

વીડિયોમાં છોકરીને કહેતા સાંભળી શકાય છે કે, ‘હું નવી પેઢીની છું, હું માત્ર ખાવા, સૂવા અને ઘરમાં રહેવા માટે નથી જન્મી. હું શાળાએ જવા માંગુ છું ‘, છોકરીએ દલીલ કરી કારણ કે તે દેશના વિકાસ માટે કામ કરવા માંગે છે. છોકરીએ આગળ કહ્યું, ‘જો કોઈ છોકરીને અફઘાનિસ્તાનમાં શિક્ષણ નહીં મળે, તો આપણી આવનારી પેઢી કેવી રીતે સંસ્કારી બનશે, જો આપણે શિક્ષણ નહીં મેળવીએ, તો આપણી આ દુનિયામાં કોઈ કિંમત રહેશે નહીં’ સોશિયલ મીડિયા પર ઘણા લોકોએ આ છોકરીને સપોર્ટ પણ કર્યો છે.

તાલિબાન  છોકરીઓને માધ્યમિક શાળા સ્તરે ફરી અભ્યાસ શરૂ કરવા દેશે કે કેમ તે અંગે કોઈ સ્પષ્ટતા નથી. જોકે, થોડા સમય પહેલા કડક નિયમો સાથે શાળાઓ ખોલવામાં આવી હતી, જેમાં માત્ર પ્રાથમિક શાળાની છોકરીઓને જ વર્ગમાં આવવાની મંજૂરી આપવામાં આવી હતી.

આ પણ વાંચો –

Viral Video: મા-બાપને મદદ કરવા સવારે અખબાર વેચે છે આ છોકરો, મંત્રીએ વીડિયો શેયર કરીને કર્યા વખાણ

આ પણ વાંચો –

Bollywood News: શું રણબીર સાથે લગ્ન બાદ આ બંગલામાં રહેશે આલિયા ભટ્ટ ? સપનાના મકાનની મુલાકાત લીધી

આ પણ વાંચો –

Photos: મૌની રોયે બ્લેક લેધર ડ્રેસમાં દેખાડ્યો બોલ્ડ અવતાર, એમ્સ્ટરડેમમાં મનાવી રહી છે વેકેશન