અફઘાનિસ્તાનમાં મહિલાઓના હાલનો અંદાજો આપતી તસવીર થઇ વાયરલ, જોઇને તમે પણ વિચારતા થઇ જશો

અફઘાનિસ્તાનમાંથી અમેરીકાએ પોતાનું સૈન્ય પાછુ બોલાવી લેતા તાલિબાનીઓએ સમગ્ર અફઘાનિસ્તાન પર કબજો જમાવી લીધો છે. અફઘાનિસ્તાનની આર્મીએ પહેલા જ તાલિબાનીઓ સામે હાર માની લીધી છે. અફઘાનિસ્તાનના પ્રધાનમંત્રી અને રાષ્ટ્રપતિ પહેલા જ દેશ છોડીને જઇ ચૂક્યા છે. પરંતુ પાછળ રહી ગઇ છે અફઘાનિસ્તાનની એ પ્રજા કે જેમને પોતાની સરકાર પર ભરોસો હતો.

સદીઓથી વૉર ઝોનમાં રહેતા હોવા છતાં એ દેશપ્રેમ હતો કે જેને કારણે તેઓ અફઘાનિસ્તાનમાં રહી રહ્યા હતા અને બદલાવ લાવવા માંગતા હતા, પરંતુ વૈશ્વિક રાજકારણે તેમનો ભોગ લઇ લીધો. આતંકવાદીઓની સામે અફઘાની નાગરીકો આજે લાચાર બન્યા છે અને સમગ્ર દુનિયા ચુપચાપ બધુ જોઇ રહી છે.

જ્યારથી તાલિબાનીઓએ અફઘાનિસ્તાન પર કબજો મેળવ્યો છે ત્યારથી જ સોશિયલ મીડિયા પર હ્રદયધ્રાવક દ્રશ્યો જોવા મળી રહ્યા છે. ત્યાંના લોકો વચ્ચે ડરનો એ માહોલ છે કે જેના વિશે આપણે કલ્પના પણ ન કરી શકીએ. લોકો અફઘાનિસ્તાન છોડવા માટે કઇં પણ કરી જવા માટે તૈયાર છે. પરંતુ હમણાં સૌથી વધુ જોખમ મહિલાઓ અને બાળકીઓ પર છે.

પહેલા પણ દુનિયા અફઘાનિસ્તાનની મહિલાઓને લઇને ચિંતા વ્યક્ત કરી ચુકી છે. તાલિબાનીઓને મહિલા વિરોધી માનવામાં આવે છે તેવામાં તાલિબાની રાજમાં આ મહિલાઓના હાલ શું થઇ શકે છે તે વિચારીને જ હ્રદય કંપી ઉઠે.

દુનિયાભરમાં અફઘાની મહિલાઓની ચિંતા વચ્ચે હાલ સોશિયલ મીડિયા પર એક વીડિયો વાયરલ થઇ રહ્યો છે જેને જોઇને તમને અંદાજો આવશે કે આ આતંકવાદીઓને મહિલાઓ પ્રત્યે કેટલી નફરત છે. સોશિયલ મીડિયા પર વાયરલ થયેલી કેટલીક તસવીરોમાં જોવા મળે છે કે તાલિબાનીઓ દીવાલ પર લાગેલા મહિલાઓના પોસ્ટર્સને ઢાંકી રહી છે.

ટ્વીટર પર પોસ્ટ કરવામાં આવેલી એક તસવીરમાં કાબુલના એક શો રૂમની બહાર મહિલાનું પોસ્ટર લાગેલુ છે જેને પેઇન્ટથી ઢાંકવાનો પ્રયત્ન કરતો એક પુરુષ જોવા મળી રહ્યો છે. 2002 માં જ્યારે તાલિબાને અફઘાનિસ્તાનને કબજામાં લીધુ હતુ ત્યારે તેમણે મહિલાઓ પર કરેલા અત્યાચારોની વાત કરીએ તો આજે પણ રૂવાંડા ઉભા થઇ જાય છે.

કાબુલમાં કેટલીક જગ્યાએ પોસ્ટરોને કાળા રંગના પેઇન્ટથી ઢાકી દેવાયા છે. બેંક અને ખાનગી કંપનીઓમાં કામ કરતી મહિલાઓને તેઓ જણાવી રહ્યા છે કે તેઓ ઘરે જતા રહે અને બીજી વાર અહીં ન આવે. આ વાતથી અંદાજો લગાવી શકાય છે કે આવનાર સમયમાં તાલિબાનીઓ મહિલાઓને શું હાલ કરશે અને તેમના પર કેવા અત્યાચાર કરવામાં આવશે.

આ પણ વાંચો –

Afghan એરફોર્સની પહેલી મહિલા પાયલટ, તાલિબાનીઓની ધમકી બાદ પણ ડરી નહીં અને ઉડાવ્યુ એરક્રાફ્ટ

આ પણ વાચો – 

અફઘાનિસ્તાનની મહિલાઓનો વીડિયો વાયરલ, આ વીડિયો જોઈ લોકો થઇ રહ્યા છે ઉદાસ