104 વર્ષની ઉંમરે બીજીવાર કોરોનાને આપી માત, મક્કમ મનોબળનું ઉદાહરણ છે આ મહિલા

ફક્ત એક જ વર્ષમાં બીજી વાર કોરોનાને હરાવવા પછી, 104 વર્ષીય મહિલાનું હોસ્પિટલ સ્ટાફ દ્વારા ભવ્ય સ્વાગત કરવામાં આવ્યું. ડોક્ટર અને નર્સ દ્વારા કર્મન હર્નાન્ડીઝને કોલમ્બિયાની હોસ્પિટલમાં રજા આપતા પહેલા તાળીઓના ગડગડાટથી સમ્માન કરવામાં આવ્યું

104 વર્ષની વૃદ્ધ મહિલાએ કોરોનાને બીજી વખત હરાવ્યો

ગયા વર્ષે જૂનમાં મહિલાને પ્રથમ વાર કોરોના વાયરસથી ચેપ લાગ્યો હતો અને તેને સારવાર માટે 25 દિવસ હોસ્પિટલમાં રહેવું પડ્યું હતું. પરંતુ રસીકરણ પછી 8 માર્ચે ફરી એકવાર વૃદ્ધ મહિલા કોરોના વાયરસનો ભોગ બન્યા. આ વખતે તેમણે ઈન્ફેક્શનની સારવાર માટે દાખલ થયા બાદ હોસ્પિટલના આઈસીયુમાં 21 દિવસ પસાર કર્યા.

હોસ્પિટલના કર્મચારીઓએ ડિસ્ચાર્જ કરતી વખતે તાળીઓ વડે સમ્માન કર્યું

સોમવારે ટ્રોલી બેડ પર વેન્ટિલેટેડ પ્લાસ્ટિકમાં મહિલાને હોસ્પિટલથી હોમ કેયર સુધી એમ્બ્યુલન્સમાં લઇ જવામાં આવ્યા હતા. આ દરમિયાન પી.પી.ઇ કીટ પહેરેલા એક ડઝન જેટલા સ્ટાફે તેમને વિદાય આપી હતી.

હોમ કેરની હેલ્થ કેર વર્કર ગિના ગોમેઝે કહ્યું, “મહિલા પહેલેથી જ એક વૃદ્ધ દર્દી છે જેમાં શ્રેષ્ઠ શારીરિક ક્ષમતા છે કારણ કે તેમણે ફરીથી વાયરસ સાથે સંઘર્ષ કર્યો છે.” હોસ્પિટલના ડિરેક્ટરએ કહ્યું કે વૃદ્ધ દર્દી મુખ્યત્વે તેની ઉંમરને કારણે આ જીત તેમના માટે એક આશારૂપ કેસ છે. એવું કહેવામાં આવે છે કે મહિલાની પુત્રી 70 વર્ષની છે અને તેણે પણ ત્વચાના કેન્સર પર સફળતાપૂર્વક કાબુ મેળવ્યો હતો.

100થી વધુ ઉંમરની મહિલાઓએ હરાવ્યો કોરોના

હર્નાન્ડેઝ કોવિડ -19 ને હરાવનાર 100 વર્ષીય પ્રથમ મહિલા નથી. જાન્યુઆરીમાં, હિલ્ડા બ્રાઉન નામની 109 વર્ષની મહિલા તેના 110 વર્ષ પૂરા થતાં પહેલાં કોરોનાથી સ્વસ્થ થઈ ગઈ હતી. એક વૃદ્ધ મહિલા 108-વર્ષીય અન્ના ડેલ, એક સદી પહેલા સ્પેનિશ ફ્લૂથી બચી ગયા હતા. અને આ જ મહિલાએ પછી ગયા વર્ષે કોવિડ -19 ને હરાવ્યો હતો. સ્વસ્થ થયા પછી, તેમણે ગયા વર્ષે કહ્યું હતું, “મને સારું લાગે છે. ભગવાનનો આભાર કે હું જીવંત છું.”

આ પણ વાંચો: IIT ગાંધીનગરમાં 900 વિદ્યાર્થીઓ અને પ્રોફેસરોને વેક્સિન અપાતા વિવાદ, મોટાભાગે ઉંમર 45થી ઓછી

આ પણ વાંચો: Birthday Special: જયા બચ્ચને 15 વર્ષની ઉંમરમાં કામ શરૂ કર્યુ, શરતો પર કરવા પડ્યા હતા લગ્ન