બ્રશ કરતી વખતે તમે પણ નથી કરી રહ્યાને આ ભૂલો? દાંત અને પેઢાને થઇ શકે છે નુકસાન
ટૂથબ્રશ આપણી રોજીંદી ક્રિયાઓનો ભાગ છે. પરંતુ શું તમે જાણો છો બ્રશ કરતા સમયે અમુક સાવધાનીઓ ના રાખવામાં આવે તો ટે જોખમી થઇ શકે છે.
આપણે સૌ જાણીએ છીએ કે દાંતની સાફસફાઈ કેટલી જરૂરી છે. બાળપણથી જ આપણને જણાવવામાં આવ્યું છે અને બ્રશનું મહત્વ પણ સમજાવવામાં આવ્યું છે. મોઢાની સ્વચ્છતા અને દાંતને સાફ રાખવા માટે બ્રશિંગ અને ફ્લોસિંગ ખૂબ જ મહત્વપૂર્ણ છે. દાંતની સફાઈ એ કોરોનાવાયરસ અને બ્લેક ફંગસ જેવા રોગો સામે પણ મહત્વની ભૂમિકા ભજવે છે તેવા અહેવાલો પણ આવ્યા છે.
તમને જણાવી દઈએ કે મોં અને દાંત સાફ રાખવાથી રોગોનું જોખમ ઘટે છે. તેથી જ દરરોજ બ્રશ કરવું અને ફ્લોસિંગ કરવું મહત્વપૂર્ણ છે. બ્રશ કરતી વખતે ઘણા લોકો કેટલીક ભૂલો કરે છે, જે તમારા દાંત અને પેઢાને અસર કરે છે. ચાલો જાણીએ આ સામાન્ય ભૂલો વિશે.
ઝડપી બ્રશ
ખૂબ ઝડપથી બ્રશ કરવું દંતવલ્કને (દાંતના ઉપરના પડનો પદાર્થ) નબળા પાડે છે અને સમય જતાં પેઢાને નુકસાન પહોંચાડે છે. તેથી નરમ બરછટ ટૂથબ્રશ પસંદ કરો જેથી વધારે પડતા અને ઝડપી બ્રશને કારણે લોહી ન આવે.
ટૂથબ્રશ બદલવામાં આળસ
જો તમારો ટૂથબ્રશ બરછટ અને નકામો થઈ રહ્યા છે, તો તમારા ટૂથબ્રશને બદલવાનો સમય આવી ગયો છે. નકામો થઇ ગયલો બ્રશ વધુ સમય ના વાપરવો જોઈએ. દાંતના ચિકિત્સકો કહે છે કે ટૂથબ્રશ દર 3 મહિનામાં બદલી દેવો જોઈએ.
લાંબા સમય સુધી બ્રશ કરવું
2 થી 3 મિનિટ માટે બ્રશ કરવાની સલાહ આપવામાં આવે છે. લાંબા સમય સુધી બ્રશ કરવાથી, મોઢાના બધા જંતુઓ સાફ થઈ જાય છે અને મોં વધુ શુદ્ધ થઈ જાય છે. પરંતુ લાંબા સમય સુધી કરવામાં આવતો બ્રશ પણ હાનીકારક થઇ શકે છે.
દિવસમાં વધુ વખત બ્રશ કરવું
દિવસમાં બે વારથી વધુ વાર બ્રશ કરવું જોઈએ નહીં. ખાસ સવારમાં એક વાર અને રાત્રે એક વાર બ્રશ કરવું જોઈએ. આ તમારા દાંતને સંપૂર્ણપણે સાફ રાખશે. વધુ પડતું બ્રશ કરવાથી તમારા દાંત અને પેઢા નબળા પડી શકે છે.
દાંતની સપાટીને અવગણવું
દાંતની માત્ર બાહ્ય સપાટી પર બ્રશ કરશો નહીં. ખાતરી કરો કે તમે દાંતની અંદરની જગ્યા પણ સાફ કરો છો, કારણ કે ત્યાં પણ સૂક્ષ્મજંતુઓ હોઈ શકે છે. બધી બાજુઓથી તમારા દાંત સાફ કરો, દરેક ખૂણા, દરેક જગ્યાને સાફ કરો.
આ પણ વાંચો: સાંધાના દુખાવાથી છો હેરાન? તો દુખાવો ઘટાડવા માટેના અજમાવો આ 7 અસરકારક ઘરેલું ઉપાય
(વૈધાનિક ચેતવણીઃ આ લેખ માત્ર જાણકારી માટે છે. આનો ઉપયોગ-ઉપચાર કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો)
Latest News Updates
