PCOS Disease : છેલ્લા કેટલાક સમયથી છોકરીઓમાં પોલિસિસ્ટિક ઓવેરિયન સિન્ડ્રોમ એટલે કે PCOS રોગ વધી રહ્યો છે. આ રોગ છોકરીઓમાં પુરૂષ હોર્મોન્સના વધારાને કારણે થાય છે. શહેરી વિસ્તારોમાં છોકરીઓમાં આ એક સામાન્ય રોગ બની રહ્યો છે. 16 વર્ષની ઉંમરે આ બીમારીના લક્ષણો છોકરીઓમાં દેખાવા લાગે છે. પીસીઓએસના કારણે પીરિયડ્સ સમયસર નથી આવતા અને હોર્મોન્સમાં બદલાવને કારણે બીજી ઘણી સમસ્યાઓ પણ શરૂ થઈ જાય છે.
આ પણ વાંચો : Women Health : PCOSથી પીડિત મહિલાઓની સંખ્યામાં થઇ રહ્યો છે ચિંતાજનક વધારો, શું કહે છે નિષ્ણાંત ?
ડોક્ટર્સનું કહેવું છે કે, પીસીઓએસના કારણે છોકરીઓને લગ્ન બાદ માતા બનવામાં મુશ્કેલી પડી શકે છે. આ રોગ વંધ્યત્વનું મુખ્ય કારણ બની રહ્યો છે. જેના કારણે મહિલાઓ પણ વંધ્યત્વનો શિકાર બની રહી છે. શહેરી વિસ્તારોમાં દર 10માંથી 2 છોકરીઓ PCOS રોગથી પીડિત છે. આ રોગ પણ અંડાશયમાં કેન્સરનું કારણ બની શકે છે. આવી સ્થિતિમાં સમયસર તેની સારવાર કરવી જરૂરી છે.
દિલ્હીના એક નિષ્ણાત ડૉક્ટરના કહેવા મુજબ, ઘણી છોકરીઓ પીસીઓએસના લક્ષણોને નજરઅંદાજ કરે છે, પરંતુ આવું ન કરવું જોઈએ. PCOSની સમયસર સારવાર ખૂબ જ જરૂરી છે. આજકાલ પીસીઓએસની સમસ્યા ખરાબ જીવનશૈલી અને સ્ટ્રીટ ફૂડના સેવનને કારણે વધી રહી છે.
જેના કારણે છોકરીઓમાં હોર્મોન્સનું અસંતુલન થઈ રહ્યું છે. જો આ રોગની સમયસર સારવાર ન કરવામાં આવે તો તે વંધ્યત્વ તરફ દોરી શકે છે. આવું એટલા માટે થાય છે કારણ કે PCOS ના કારણે મહિલાઓના ગર્ભાશયમાં પ્રોજેસ્ટેરોન ઉત્પન્ન કરવાની પ્રક્રિયા ધીમી પડી જાય છે. પીરિયડ્સ સમયસર નથી આવતા અને વજન પણ વધવા લાગે છે. જેના કારણે પ્રેગ્નન્સીમાં સમસ્યા થાય છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર