ઘરે બનાવો 100% શુદ્ધ લીમડાનું તેલ, વાળની બધી જ સમસ્યાઓથી મળશે ‘કાયમી છુટકારો’

માથામાં ખોડો (ડેન્ડ્રફ) થવો, ખંજવાળ આવવી અથવા માથાની ત્વચામાં બળતરા અને નાના-નાના દાણા થવા એ સામાન્ય સમસ્યાઓ છે. તેનાથી છુટકારો મેળવવા માટે લોકો વિવિધ પ્રકારના શેમ્પૂ અને હેર કેર પ્રોડકટ્સનો ઉપયોગ કરે છે, તો કેટલાક લોકો વિવિધ ઘરેલું ઉપાયો પણ અજમાવે છે.

આ ઉપાયોમાંથી એક લીમડાના તેલનો ઉપયોગ કરવાનો છે. વાળ સાથે જોડાયેલી આ સમસ્યાઓમાં લીમડાનું તેલ અત્યંત અસરકારક માનવામાં આવે છે.

સારી વાત એ છે કે, તમે ઘરે પણ ખૂબ જ સરળતાથી 100% શુદ્ધ લીમડાનું તેલ બનાવી શકો છો. હવે સવાલ એ છે કે, લીમડાના તેલથી વાળને શું-શું ફાયદા મળી શકે છે?

આ ચીજોની જરૂર પડશે

લીમડાનું તેલ બનાવવા માટે તમને તાજા લીમડાના પાન અને નારિયેળના તેલની જરૂર પડશે.

લીમડાનું તેલ કેવી રીતે બનાવવું?

1. સૌથી પહેલા લીમડાના પાનને ધોઈને સાફ કરી લો. ત્યારબાદ તેને સારી રીતે સૂકવી લો. ધ્યાન રહે કે, પાનમાં થોડું પણ પાણી ન રહે.
2. હવે, મિક્સર જારમાં નાખીને આ પાનને પીસી લો. તમે ઈચ્છો તો પાનને વાટી પણ શકો છો.
3. પાનની પેસ્ટ જ્યારે બનીને તૈયાર થઈ જાય, ત્યારે એક ભારે કડાઈમાં નારિયેળ તેલ નાખીને ગરમ કરી લો.
4. તેલ હૂંફાળું ગરમ થાય એટલે તેમાં લીમડાના પાનથી તૈયાર કરેલી પેસ્ટ ઉમેરો.
5. આ મિશ્રણને ધીમી આંચ પર 3-4 મિનિટ સુધી પકાવો અને સતત હલાવતા રહો, જેથી ‘પાન’ બળી ન જાય.
6. ત્યારબાદ ગેસ બંધ કરી દો અને મિશ્રણને ઠંડુ થવા દો.
7. ‘તેલ’ જ્યારે ઠંડુ થઈ જાય, ત્યારે તેને સાફ અને સંપૂર્ણપણે ગરણી કે સૂકા કપડાથી ગાળી લો.
8. આટલું કરતા જ તમારું લીમડાનું તેલ બનીને તૈયાર થઈ જશે, તમે તેને કોઈ સાફ બોટલમાં સ્ટોર કરીને રાખી શકો છો.
9. વાળ પર લીમડાનું તેલ લગાવવાના શું ફાયદા છે?

હેલ્થલાઈનના અહેવાલ મુજબ, લીમડામાં ‘નિમ્બિડિન’ નામનું તત્વ મળી આવે છે. કેટલાક જૂના સંશોધનોના પરિણામો દર્શાવે છે કે, નિમ્બિડિન સોજો (ઇન્ફ્લેમેશન) ઓછો કરવામાં મદદ કરી શકે છે.

આ સાથે જ તેમાં ફંગસને ઓછો કરતા ગુણો પણ જોવા મળે છે. આ સ્થિતિમાં લીમડાનું તેલ લગાવવાથી ખોડો ઓછો કરવામાં મદદ મળી શકે છે.

જો તમને માથામાં ખૂબ ખંજવાળ આવતી હોય, તો લીમડાનું તેલ લગાવવાથી તમને રાહત મળી શકે છે. લીમડાનું તેલ વાળમાંથી ‘જૂ’ નો નાશ કરવામાં પણ અસર બતાવી શકે છે. જો તમને લાગે કે તમારા વાળમાં ‘જૂ’ છે, તો તમે આ તેલનો ઉપયોગ કરી શકો છો.

વાળમાં લીમડાનું તેલ કેવી રીતે લગાવવું?

લીમડાનું તેલ તમને અનેક પ્રકારે ફાયદો પહોંચાડી શકે છે. જો કે, તેને ડાયરેક્ટ વાળમાં લગાવતા પહેલા એકવાર પેચ ટેસ્ટ જરૂર કરો. આ સાથે જ લીમડાના તેલને વધુ માત્રામાં માથા પર ન લગાવો, તેનો હંમેશા અન્ય કોઈ તેલમાં મિક્સ કરીને જ ઉપયોગ કરો.

પહેલા થોડી જગ્યા પર લગાવીને 30 મિનિટ સુધી જુઓ, જો આવું કરવાથી તમને માથા પર બળતરા કે લાલાશ (રેડનેસ) ની સમસ્યા થાય, તો આ તેલનો ઉપયોગ કરવાનું ટાળો.

ડિસ્ક્લેમર: (આ આર્ટિકલમાં સૂચવેલ ટિપ્સ માત્ર સામાન્ય જાણકારી માટે છે. સ્વાસ્થ્ય સાથે જોડાયેલા કોઈ પણ ફિટનેસ પ્રોગ્રામ શરૂ કરતા પહેલા અથવા પોતાના આહારમાં કોઈ પણ પ્રકારનો ફેરફાર કરતા પહેલા કે કોઈ પણ બીમારી સંબંધિત ઉપાય કરતા પહેલા તમારા ડૉક્ટરની સલાહ જરૂર લો. TV9 Gujarati કોઈ પણ પ્રકારના દાવાની સત્યતાની પુષ્ટિ કરતું નથી.)

શું તરસ લાગે ત્યારે જ પાણી પીવું જોઈએ ? જાણો પાણી પીવાની સાચી રીત