High Cholesterol: કોલેસ્ટ્રોલ વધવાથી વધે છે આ બીમારીઓનું જોખમ, સાવચેત રહો
High Cholesterol: વજન, આહાર, આનુવંશિકતા, દવાઓના સેવન અથવા જીવનશૈલીના કારણે શરીરમાં ખરાબ કોલેસ્ટ્રોલનું પ્રમાણ વધવા લાગે છે. જેના કારણે વ્યક્તિને અન્ય ઘણી બીમારીઓ થવાની શક્યતાઓ પણ વધી જાય છે.
ભાગદોડી વાળી લાઇફ સ્ટાઇલ અને અનહેલ્થી ખોરાકના કારણે આજકાલ બિમારીનું પ્રમાણ વધી ગયું, આમા પણ ખાસ કરીને હ્રદય રોગની સમસ્યા ખુબ વધી રહી છે. બેડ કોલેસ્ટ્રોલ આનું સૌથી મોટું કારણ છે. કોલેસ્ટ્રોન બે પ્રકારના હોય છે એક ગુડ કોલેસ્ટ્રોલ અને એક બેડ કોલેસ્ટ્રોલ, શરીરમાં ગુડ કોલેસ્ટ્રોલની માત્રા હોવી એ સારી બાબત છે, પરંતુ ખરાબ કોલેસ્ટ્રોન અનેક બિમારીઓ વધારી શકે છે, આજે આપણે આ બિમારીઓ અંગે ચર્ચા કરીશું.
કોરોનરી હાર્ટ ડિસીઝ
ઘણી વખત તમે ડોક્ટરોને કહેતા સાંભળ્યા હશે કે ઉચ્ચ કોલેસ્ટ્રોલ તમારા હૃદય માટે બિલકુલ સારું નથી. ખરેખર, આ કોરોનરી હૃદય રોગનું જોખમ વધારે છે. આ સ્થિતિમાં હાર્ટ એટેકના કારણે મૃત્યુ પણ થઈ શકે છે. આવું એટલા માટે થાય છે કારણ કે જ્યારે આપણા શરીરમાં કોલેસ્ટ્રોલનું સ્તર વધે છે, ત્યારે તે ધમનીઓની દિવાલોમાં જમા થઈ શકે છે.
સ્ટ્રોક
હાઇ કોલેસ્ટ્રોલ હોવાને કારણે સ્ટ્રોકનું જોખમ પણ વધી જાય છે. હાઇ કોલેસ્ટ્રોલ માત્ર હૃદયને જ નહીં પરંતુ મગજ તરફ જતી ધમનીઓને પણ અવરોધે છે. જ્યારે મગજ સુધી લોહીનો પ્રવાહ યોગ્ય રીતે ન જાય તો બ્રેઇન સ્ટ્રોકની શક્યતા વધી જાય છે.
કિડ ફેલ થવી
ઘણી વખત જ્યારે કોલેસ્ટ્રોલ વધી જાય છે ત્યારે તેનો ખતરો કિડની પર પણ મંડરાય છે. કિડની ફેલ થવાના ઘણા કારણો હોઈ શકે છે અને ઉચ્ચ કોલેસ્ટ્રોલ તેમાંથી એક મુખ્ય કારણ છે. જ્યારે કોલેસ્ટ્રોલ વધે છે ત્યારે કિડની સાથે જોડાયેલી રક્તવાહિનીઓમાં પ્લેક બને છે, જેના કારણે લોહીનો પુરવઠો અવરોધાય છે.
હાઈ બ્લડ પ્રેશર
તમને જણાવી દઈએ કે જો કોલેસ્ટ્રોલ લેવલ સતત વધતું રહે તો હાઈ બ્લડ પ્રેશરની સમસ્યાનો પણ સામનો કરવો પડી શકે છે. આવું એટલા માટે થાય છે કારણ કે જ્યારે ધમનીઓ સાંકડી થઈ જાય છે, ત્યારે હૃદય માટે શરીરના અન્ય ભાગોમાં યોગ્ય રીતે રક્ત પરિભ્રમણ કરવું ખૂબ જ મુશ્કેલ બની જાય છે.
(જાહેર ચેતવણી : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા કૃપા કરીને નિષ્ણાતની સલાહ લો.)