વજન ઘટાડવા માટે બંધ કરી દીધું છે બટાકાનું સેવન ? તો જાણી લો બટાકા ખાવાની આ રીતથી નહીં વધે વજન

મોટુ અને જાડુ શરીર કોને ગમે ? દરેક વ્યક્તિ ઈચ્છે છે કે તેનું શરીર ફીટ અને આકર્ષક હોય. તેના માટે લોકો એવી વસ્તુ ખાવાથી દૂર રહે છે જે તેમનુ વજન વધારે. કેટલાક લોકો માને છે કે વજન ઘટાડવું અને બટાકા (Potato) બંને બે વિરોધી વસ્તુઓ છે, જેને સાથે રાખવાનું વિચારી પણ ન શકાય. હા, વજન ઘટાડનારા લોકો બટાકા ખાવાથી દૂર રહે છે અને તેઓને વજન ઘટાડવા (Weight Loss Tips) માટે આ બટાકા સૌથી ખરાબ વિકલ્પ લાગે છે. પરંતુ તમને જાણીને નવાઈ લાગશે કે બટાકા ખાવાથી તમે વજન ઘટાડી પણ શકો છો. હા, બસ આ માટે તમારે બટાકા ખાવાની યોગ્ય રીત જાણવાની જરૂર છે.

વજન ઘટાડવા માટે તમારે ઠંડા બટાકા ખાવા જોઈએ

ઠંડા બટાકાની રેસિપી – તમારે બટાકાને બાફીને ઠંડા થયા પછી ખાવા જોઈએ છે. તમે ઠંડા બટાકાનું સલાડ બનાવીને ખાઈ શકો છો. ખરેખર, આવા ઠંડા બટાકા ખાવાના ઘણા ફાયદા છે.ઠંડા બટાકામાં પ્રતિકારક સ્ટાર્ચ હોય છે. તે એક કાર્બોહાઇડ્રેટ છે જેને ફાઇબરનો એક પ્રકાર પણ માનવામાં આવે છે જે આંતરડામાંના બેક્ટેરિયા તેમજ તમારા કોષો માટે ફાયદાકારક હોઈ શકે છે. તે પેટ, આંતરડા અને પાચન તંત્રને લગતી તમામ સમસ્યાઓને ઠીક કરીને વજન ઘટાડવામાં મદદ કરે છે.

વજન ઘટાડવા અને ડાયાબિટીસને નિયંત્રિત કરવામાં મદદરુપ

ઠંડા બટાકા પ્રતિરોધક સ્ટાર્ચ છે, તે મેટાબોલિક રેટ વધારે છે. આનાથી તમે જે પણ ખાઓ છો તે ઝડપથી પચી જાય છે અને વજન ઘટાડવામાં મદદ કરે છે. આંતરડાના બેક્ટેરિયા માત્ર પાચનતંત્રને સ્વસ્થ રાખવા માટે જ જરૂરી નથી, પરંતુ તે વજન ઘટાડવા અને ડાયાબિટીસને નિયંત્રિત કરવા માટે પણ મહત્વપૂર્ણ છે. ઠંડા બટાકા બ્યુટીરેટના ઉત્પાદનમાં મદદ કરીને મોટા આંતરડાના કોષોની કામગીરીને વેગ આપે છે. તે બળતરા ઘટાડી શકે છે અને તમારા આંતરડામાં પાચનતંત્રને અસરકારક રીતે બદલી શકે છે. આ રીતે તે આંતરડાના બેક્ટેરિયાને સ્વસ્થ રાખીને વજન ઘટાડવામાં મદદરૂપ થાય છે. વજન ઘટાડવા માટે ભૂખને નિયંત્રિત કરવી જરૂરી છે અને ઠંડા બટાકા આમાં મદદરૂપ છે.

નોંધ : આ લેખ માત્ર જાણકારી માટે છે. તેનો ઉપયોગ પુર્વે આપ આપના તબીબ અથવા તજજ્ઞોની સલાહ ખાસ લેવી