ફેશનેબલ અને સ્ટાઈલિશ દેખાવા બસ જરૂર છે એક બેલ્ટની, આ રીતે મેળવો ગ્લેમરસ લુક

બેલ્ટ યુવતીઓની મનપસંદ એસેસરી છે. એક બેલ્ટથી આખો લુક બદલાઈ જાય છે. બેલ્ટની ફેશન આમ તો વેસ્ટર્ન છે. પણ હવે આ મોર્ડન બેલ્ટ ટ્રેડિશનલ કમરબંધ કરતા પણ વધારે લોકપ્રિય છે. જો તમે તમારા જુના કપડામાં જ ફેશનેબલ, સ્ટાઈલિશ અને ગ્લેમરસ દેખાવા માંગતા હોવ તો બસ એક બેલ્ટથી જ તમારો લુક બદલાઈ જશે.

લોન્ગ સ્લીટ સ્ટાઇલ ડ્રેસને માત્ર એક બેલ્ટથી સ્ટાઈલિશ લુક આપી શકાય છે. સામાન્ય રીતે ડિઝાઈનર ડ્રેસમાં મેચિંગ બેલ્ટ હોય છે. જો સ્ટાઈલિશ લુક જોઈતો હોય તો બેલ્ટ પેટ પર નહિ પણ પેટના ઉપરના ભાગે પહેરશો તો હાઈટ વધારે લાગશે અને પાતળા પણ દેખાશો.

ગોલ્ડન બકકલવાળો પહોળો બેલ્ટ ઘણો ટ્રેન્ડમાં છે. ફેશન ઘણી જૂની છે, પણ તે તમને હંમેશા સ્ટાઈલિશ અને ગ્લેમરસ લુક આપશે. જીન્સ પેન્ટ સાથે મોટાભાગની યુવતીઓ બેલ્ટ પહેરે છે. પણ તમે તમારા ફોર્મલ લુકને બેલ્ટ પહેરી વધુ સ્ટાઈલિશ બનાવી શકો છો.

તમે વેસ્ટર્ન બેલ્ટને ટ્રેડિશનલ સાડી પર પણ પહેરી શકો છો. આમ તો સાડી સાથે કમરબંધની જ ફેશન છે. પણ હવે બદલાતી ફેશન સાથે મોર્ડન બેલ્ટ પહેરી શકાય છે. આ ફેશન તમારે જરૂર ટ્રાય કરવી જોઈએ. તે તમને ક્લાસિ અને ડિફરન્ટ લુક આપશે.

લગ્નપ્રસંગે બધા જ યુનિક અને બેસ્ટ દેખાવા ઈચ્છે છે. ટોળાથી અલગ પડવા આ ફ્યુઝન સ્ટાઇલ અપનાવી શકો છો. લહેંગા ટ્રેડિશનલ આઉટફિટ છે તેની સાથે ગોલ્ડ અથવા સિલવર પાતળો બેલ્ટ પહેરશો. સ્ટ્રેટ પેન્ટ, ચુડીદાર, પટિયાલા સલવાર, પ્લાઝો કે લેગીંગસ સાથે દુપટ્ટા પર બેલ્ટ જુદી જુદી સ્ટાઇલમાં પહેરી શકો છો.