Corn Benefit: મકાઈના દાણા સ્વાસ્થ્ય માટે બેહદ ફાયદેમંદ, ડાયેટમાં આ રીતે કરો શામેલ

Corn Benefit: આપણે સ્વસ્થ રહેવા માટે મકાઈ એટલે કે કોર્નનો (Corn) ઉપયોગ સાંજે નાસ્તામાં કરતા હોય છે. ઘણા લોકો મકાઈનો (Corn) ઉપયોગ સૂપ, સલાડ જેવી ચીજોમાં કરે છે. તમે મકાઈનો ઉપયોગ બ્રેકફાસ્ટ, લંચ અને ડિનરમાં પણ કરી શકો છો. મકાઈ ખાવામાં સ્વાદિષ્ટ હોય છે. ઘરમાં બાળકોથી લઈને મોટેરાઓ પણ મકાઈને ડાયેટમાં સામેલ કરી શકે છે.

મકાઈમાં પુષ્કળ પ્રમાણમાં ફાઈબર હોય છે, જે કબજિયાતથી રાહત આપે છે. તે ખોરાકમાં સ્વાદિષ્ટ છે અને પૌષ્ટિક તત્વોથી ભરેલું છે. તમે ઘણા પ્રકારની વાનગીઓ બનાવવા માટે મકાઈનો ઉપયોગ કરી શકો છો. ચાલો આપણે જાણીએ કે મકાઈ આપણા સ્વાસ્થ્ય માટે કેટલું ફાયદાકારક છે અને આપણે તેને આપણા આહારમાં કેવી રીતે શામેલ કરી શકીએ.

પાચનને બહેતર બનાવે છે
મકાઈમાં ભરપૂર માત્રામાં ફાઈબર હોય છે, જે આપણા પાચનમાં વધારો કરવાનું કામ કરે છે. તેનું સેવન કરવાથી કબજિયાત થતી નથી. મકાઈ તમારું પેટ સાફ રાખે છે.

ઓછી માત્રામાં ખાવાથી વજન ઘટે છે
ફાઈબરથી ભરપૂર કંઈક ખાવાથી તમારું પેટ લાંબા સમય સુધી ભરાઈ જાય છે અને તમને જલ્દી ભૂખ લાગશે નહીં. તેમાં ચરબીનું પ્રમાણ ખૂબ ઓછું છે. મકાઈ સ્ટાર્ચ ભરપૂર હોય છે. જે લોકો વજન ઓછું કરવા માંગે છે, તેઓએ ઓછી માત્રામાં તેનું સેવન કરવું જોઈએ.

વજન વધારવામાં મદદરૂપ
જેમને વજન વધારવું છે તેઓએ મકાઈનું વધુ પ્રમાણ લેવું જોઈએ. કારણ કે તેમાં સ્ટાર્ચ છે જે વજન વધારવામાં મદદ કરે છે. જો કે, જે લોકોને ડાયાબિટીઝની તકલીફ છે તેઓએ તેનું સેવન ઓછું કરવું જોઈએ. કારણ કે તેનાથી શરીરમાં બ્લડ શુગર વધે છે.

આંખની રોશની વધારે છે
પીળા મકાઈના દાણામાં લ્યુટિન હોય છે, જે મોતિયાની સમસ્યાથી બચાવે છે. આ સિવાય રોજ તેનું સેવન કરવાથી તમારી આંખોની રોશની વધે છે.

શરીરને મજબૂત બનાવે
મકાઈમાં આયર્ન, વિટામિન એ, થાઇમિન, વિટામિન બી 6, ઝીંક, મેગ્નેશિયમ જેવા પોષક તત્વો હોય છે, જે ઈમ્યુનીટી વધારવામાં મદદરૂપ થાય છે.

ડાયેટમાં આ રીતે કરો શામેલ

મકાઈ ભાત
તમે પ્રેશર કૂકરમાં મકાઈના દાણાને બાફીને ભાત સાથે બનાવી શકો છો. જો તમે વજન ઓછું કરવા માંગતા હોવ તો તમે સફેદ ચોખાને બદલે બ્રાઉન રાઈસનો ઉપયોગ કરી શકો છો. તમે બપોરે ખાઈ શકો છો.

મકાઈનું સલાડ
એક કપમાં બાફેલા મકાઈના દાણા કાઢો. આ બાદ ટમેટા, એક નાની ડુંગળી, એક ચમચી માખણ (ચરબીની થોડી માત્રા), એક ચમચી લીંબુનો રસ, મીઠું અને સ્વાદ માટે મરી ઉમેરો. તેને કોથમીરથી ગાર્નિશ કરો. આ સાંજે નાસ્તા માટે બેસ્ટ છે.