તમારો જીવ જોખમમાં છે મકાન ખાલી કરો, ભરૂચ નગરપાલિકાએ ફટકારી નોટીસ

ભરૂચ નગરપાલિકાએ, ગુજરાત હાઉસીગ બોર્ડના મકાનોમાં રહેતા, રહીશોને નોટીસ ફટકારી છે. રહીશોને ફટકારેલી નોટીસમાં પાલિકાએ કહ્યું છે કે, તમારો જીવ જોખમમાં છે. મકાન ખાલી કરો. નહી તો પાલિકાને તમારા ઘરનું પાણીનુ જોડાણ કાપી નાખવુ પડશે. ભરૂચ નગરપાલિકાએ, ગુજરાત હાઈસીગ બોર્ડના, 30 એપાર્ટમેન્ટમાં રહેતા 500 રહીશોને નોટીસ આપી છે.

ગુજરાત હાઉસિંગ બોર્ડ દ્વારા બનાવવામાં આવેલા મકાનોની હાલત હાલમાં ખરાબ થઇ છે. અગાઉ ભરૂચ પાલીકાએ અહીંના 500 પરિવારો મકાન ખાલી કરી સલામત સ્થળે ખસી જવા નોટીસ આપી હતી પરંતુ સ્થાનિકોએ નોટિસને ગંભીરથી લીધી ન હતી

જૂની વસાહતોની સ્ટ્રક્ચરલ સ્ટેબીલિટીની ચકાસણી માટે નિમાયેલી એજન્સી દ્વારા મકાનો જોખમી સ્થિતિમાં હોવાનું જણાવાતા તંત્ર દોડતું થયું છે. હોરત સર્જાય અને અધિકારીઓની નિષ્કાળજી કારણભૂત ન બાએ તે માટે ગુજરાત હાઉસિંગ બોર્ડના કાર્યપાલક ઇજનેરે ભરૂચ નગરપાલિકાને જોખમી મકાનોના પાણી અને ગટર લાઇનના જોડાણો કાપી નાંખવા જણાવતા પાલિકાએ સ્થાનિકોને નોટિસ ફટકારી હતી

ભરૂચ નગરપાલિકાના પ્રમુખ સુરભીબેન તમાકુવાલાએ કાર્યવાહીને દુર્ઘટના ટાળવાનો પ્રયાસ હોવાનું જણાવ્યું હતું ત્યારે છત વિહોણા બનવાનો ભય વ્યક્ત કરનાર સ્થાનિકો હવે શું પગલું ભારે છે તે ઉપર તમામની મીટ મંડાઈ છે.

આ પણ વાંચોઃબોગસ આયુષ્યમાન કાર્ડ કાઢવાનુ કૌંભાડ, રૂપિયા આપીને કાર્ડ કઢાવનારા છેતરાયા

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો