Breaking News : વડોદરા મહાનગરપાલિકાની ચૂંટણી માટે ભાજપ ઉમેદવારોના નામ જાહેર, 10 ઉમેદવાર રિપીટ, પદાધિકારીઓની બાદબાકી, જુઓ List
વડોદરા મહાનગરપાલિકા ચૂંટણી માટે પ્રદેશ અધ્યક્ષ જગદીશ વિશ્વકર્માના નેતૃત્વમાં ઉમેદવારોના નામોની સત્તાવાર જાહેરાત કરવામાં આવી છે. કુલ 19 વોર્ડ માટે 76 ઉમેદવારોને ટિકિટ આપવામાં આવી છે.
પ્રદેશ અધ્યક્ષ જગદીશ વિશ્વકર્માના અધ્યક્ષસ્થાને પ્રદેશ ચૂંટણી સમિતિની બેઠક યોજાઈ હતી. આ બેઠકમાં થયેલી ચર્ચા બાદ મહાનગરપાલિકાની ચૂંટણી માટે ઉમેદવારોના નામોની સત્તાવાર જાહેરાત કરવામાં આવી છે.
વડોદરા મહાનગરપાલિકા માટે પાર્ટીએ કુલ 19 વોર્ડ માટે ઉમેદવારો જાહેર કર્યા છે. આ 19 વોર્ડમાં કુલ 76 ઉમેદવારોને ટિકિટ આપવામાં આવી છે.
પાર્ટીએ આ વખતે ચૂંટણીમાં જીત માટે નવા અને અનુભવી બંને પ્રકારના ચહેરાઓને તક આપી છે. દરેક વોર્ડ માટે ઉમેદવારોની પસંદગી સંગઠન અને સ્થાનિક સમીકરણોને ધ્યાનમાં રાખીને કરવામાં આવી છે.
મહાનગરપાલિકાના 76 ઉમેદવારોનું લિસ્ટ થયું જાહેર થયું છે જેમાંથી 10 ઉમેદવાર રિપીટ કરાયા છે. પૂર્વ સ્થાયી સમિતિના અધ્યક્ષ શીતલ મિસ્ત્રી તેમના બારેબાર સભ્યો ની બાદબાકી કરાઈ છે.
પાંચ પદાધિકારીઓના વિવાદના કારણે તમામ પદ અધિકારીઓની પણ બાદબાકી કરવામાં આવી. મેયર પિન્કી સોની, શીતલ મિસ્ત્રી ચિરાગ બારોટ પક્ષના નેતા મનોજ પટેલ દંડક શૈલેષ પાટીલ ની બાદબાકી કરાઈ.
વિભાગમાં રહેલા મહિલા કાઉન્સિલરો જેવા કે જાગૃતિ કાકા હેમિષા ઠક્કર ની પણ બાદબાકી કરવામાં આવી. વર્ષ 2024 માં વડોદરામાં આવેલા પુર બાદ પરિસ્થિતિને નિયંત્રણમાં નહીં કરી શકનાર તમામ લોકોની બાદબાકી કરવામાં આવી. ચૂંટણીને ધ્યાનમાં રાખીને હવે તમામ ઉમેદવારો મેદાનમાં ઉતારવા માટે તૈયાર થઈ ગયા છે. વડોદરા શહેરમાં હવે ચૂંટણીનો માહોલ ગરમાયો છે અને રાજકીય ગતિવિધિઓ તેજ બની રહી છે.
સ્થાનિક સ્વરાજ્યની ચૂંટણી માટે વલસાડમાં ભાજપના ઉમેદવારોનું લિસ્ટ જાહેર, આંતરિક રાજકારણ ગરમાયું
Published On - 5:55 pm, Fri, 10 April 26
