Vadodara : ભાજપના આગેવાનોમાં ચિંતાજનક રીતે વધી રહ્યું છે કોરોના સંક્રમણ, સાંસદ રંજનબેન પણ પોઝિટિવ
Vadodara : શુક્રવારે ભારતમાં 40 હજારથી વધુ કેસ નોંધાયા. નવેમ્બર પછી નોંધાયેલા આંકડામાં આ સૌથી મોટો આંકડો છે. ફેબ્રુઆરીના બીજા અઠવાડિયામાં દેશમાં સરેરાશ 11,000 કેસ નોંધાયા.
Vadodara : ગુજરાત સહિત ભારત ભરમાં ફરી એકવાર કોરોના મહામારી વધી રહી છે. દેશમાં વાયરસના બીજા તબક્કાના આગમન અંગે સરકારને આશંકા છે. રોજ રેકોર્ડ કેસો સામે આવી રહ્યા છે. સરકારે કહ્યું છે કે હાલના મહિનાઓમાં લોકોએ થોડી ઢીલ મૂકી દીધી છે જેના કારણે વાયરસ પહેલાની જેમ ઉભરી રહ્યો છે.
શુક્રવારે ભારતમાં 40 હજારથી વધુ કેસ નોંધાયા. નવેમ્બર પછી નોંધાયેલા આંકડામાં આ સૌથી મોટો આંકડો છે. ફેબ્રુઆરીના બીજા અઠવાડિયામાં દેશમાં સરેરાશ 11,000 કેસ નોંધાયા. હવે જે કેસ સામે આવી રહ્યા છે, તે તેના કરતા લગભગ ચાર ગણા છે. તેવામાં વડોદરાના ભાજપના આગેવાનોમાં ચિંતાજનક રીતે કોરોના સંક્રમણ ફેલાઈ રહ્યું છે. 6 કોર્પોરેટર, ડભોઇના ધારાસભ્ય સંક્રમિત થયાં બાદ હવે સાંસદ પણ કોરોનાની લપેટમાં આવી ગયા છે. વડોદરાના સાંસદ રંજન બેન ભટ્ટ (Ranjanben Bhatt) કોરોના પોઝિટિવ આવ્યા છે. હાલ તેને એક ખાનગી હોસ્પટલમાં સારવાર હેઠળ રાખવામાં આવ્યા છે.