VADODARA : શહેરી સુખાકારી દિવસમાં 62.59 કરોડના વિકાસકામોનું લોકાર્પણ- ખાતમુહૂર્ત, VMCને મળ્યું 91 કરોડનું ભંડોળ
Shaheri Jansukhakari Divas : રાજ્યના મુખ્યપ્રધાન વિજય રૂપાણી (CM Vijay Rupani) એ અમદાવાદ ખાતે રાજ્યસ્તરના કાર્યક્રમના સ્થળેથી વડોદરા મહાનગર પાલિકા આયોજિત રૂ.62.59 કરોડના વિકાસકામો નું લોકાર્પણ અને ખાતમુહૂર્ત કર્યું હતું.
Vadodara : 5 વર્ષ આપણી સરકારના,સૌના સાથથી સૌના વિકાસના અભિયાન હેઠળ વડોદરા મહાનગર પાલિકા (Vadodara Municipal Corporation- VMC) દ્વારા સયાજીનગર ગૃહમાં આયોજિત શહેરી જન સુખાકારી સેવા યજ્ઞ પ્રસંગે રાજ્યના મુખ્યપ્રધાન વિજય રૂપાણી (CM Vijay Rupani) એ અમદાવાદ ખાતે રાજ્યસ્તરના કાર્યક્રમના સ્થળેથી વડોદરા મહાનગર પાલિકા આયોજિત રૂ.62.59 કરોડના વિકાસકામો નું લોકાર્પણ અને ખાતમુહૂર્ત કર્યું હતું.
આ સાથે જ મુખ્યપ્રધાન વિજય રૂપાણીએ ગુજરાત મ્યુનિસિપલ ફાઈનાન્સ બોર્ડ (Gujarat Municipal Finance Board) ના ઉપક્રમે રાજ્યની નગરપાલિકાઓ અને મહાનગર પાલિકાઓને ઓનલાઇન રૂ.1 હજાર કરોડના ચેકનું વિકાસકામો માટે વિતરણ કર્યું જેમાં વડોદરાને રૂ.91 કરોડનું ભંડોળ વિકાસ માટે મળ્યું હતું.
આજે વડોદરા મહાનગર પાલિકાને રાજ્ય સરકાર જન સુખાકારી વધારવાના કામો માટે રૂ.91 કરોડનો ચેક આપશે તેવી જાણકારી આપતાં મેયરશ કેયુર રોકડીયાએ જણાવ્યું કે આપણે સ્માર્ટ શહેરી વિકાસની દિશામાં આગળ વધી રહ્યાં છીએ જેના હેઠળ બાંધકામના કાટમાળનું રિસાયક્લિંગ, ઇન્ટીગ્રેટેડ પરિવહન પ્રણાલી, ડ્રેનેજમાં માઇક્રોટનલીંગ,સ્વચ્છતા જાળવણીમાં નવા આયામો સહિતની અનેકવિધ પહેલો કરવામાં આવી રહી છે.
વડોદરા મહાનગર પાલિકા દ્વારા ચાર શહેરી ઝોનમાં 50 પથારીની ચાર નવી હોસ્પિટલોના નિર્માણ, ચાર મુખ્ય રસ્તાઓના નવીનીકરણ, 75 શહેરી વિવિધ વિકાસ આયોજનોની તેમણે જાણકારી આપી હતી.
રાજ્યની મહાનગર પાલિકાઓ અને નગર પાલિકાઓ દ્વારા લોક સુવિધા વધારી શકાય તે માટે રાજ્ય સરકાર સતત નાણાંકીય પીઠબળ આપે છે એવી લાગણી સાથે શહેરી જન સુખાકારી દિવસ સેવા યજ્ઞમાં સહુને આવકારતા મ્યુનિસિપલ કમિશનર શાલિની અગ્રવાલે જણાવ્યું કે આજે પણ મુખ્યપ્રધાન દ્વારા ઓનલાઇન વડોદરા મહાનગર પાલિકા વિસ્તારના અંદાજે રૂ.62.59 કરોડના વિકાસ કામોનું લોકાર્પણ અને ખાતમુહૂર્ત કરાઈ રહ્યું છે. અમે વડોદરા શહેરના વિકાસ માટે કટિબદ્ધ છીએ.
આ પ્રસંગે વડોદરામાં મહિલાઓ અને બાળકો માટેની અલાયદી હોસ્પિટલ બનાવવા ના રાજ્ય સરકારના સંવેદનાસભર આયોજન માટે ધન્યવાદ આપતાં સાંસદ રંજનબેન ભટ્ટે જણાવ્યું કે મુખ્યપ્રધાન અને નાયબ મુખ્યપ્રધાન પાંચ વર્ષથી લોકોની વચ્ચે રહીને કામ કરી રહ્યાં છે અને વડોદરાના લોકોની જરૂરિયાતો ધ્યાનમાં લઈને વિકાસ આયોજનોનો લાભ આપ્યો છે.
આ પણ વાંચો : Surat : હવામાંથી પ્રતિ મીનિટે 500 લિટર ઓક્સિજન ઉત્પાદન કરતા ત્રણ પ્લાન્ટ કાર્યરત કરાયા
આ પણ વાંચો : AHMEDABAD : રૂપાણી સરકારના પાંચ વર્ષ, આજે શહેરી સુખાકારી દિવસની ઉજવણી, 5001 કરોડના વિકાસકામોનો શુભારંભ-લોકાર્પણ