રાજ્યમાં આગામી પાંચ દિવસ વરસાદની આગાહી, જાણો ક્યાં અને ક્યારે પડશે ધોધમાર વરસાદ

ગુજરાતમાં આગામી પાંચ દિવસ વરસાદની આગાહી કરવામાં આવી છે. વરસાદી માહોલની સાથે છુટાછવાયા ઝાપટા પડવાની પણ શકયતા છે. આજે સુરત, નવસારી, દમણ, દ્વારકા, જૂનાગઢ, અમરેલી, ગીરસોમનાથ, દીવમાં વરસાદી માહોલ રહેશે. આવતીકાલે સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગરમાં વરસાદ પડવાની સંભાવના છે. 16મી તારીખે વલસાડ, દમણમાં વરસાદ જ્યારે 17મીએ સુરત, ડાંગ, તાપી, નવસારી, વલસાડ, અમરેલી, ગીરસોમનાથમાં સામાન્ય વરસાદની આગાહી છે. 18મીએ સુરત, ડાંગ, તાપી, નવસારી, વલસાડ, જૂનાગઢ, ગીરસોમનાથમાં વરસાદ વરસશે. આ વિસ્તારોમાં 40થી 60 કિલોમીટર પ્રતિકલાકે પવન પણ ફુંકાઇ શકે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો