Surat : દક્ષિણ ગુજરાતમાં વરસાદની રી-એન્ટ્રી, નવસારી-સુરત સહિતના વિસ્તારોમાં વરસાદ
દક્ષિણ ગુજરાતમાં વરસાદની રી-એન્ટ્રી થઇ છે. સુરત જિલ્લા અને નવસારી જિલ્લામાં વરસાદી માહોલ છવાયો છે. ત્યારે વરસાદને કારણે ખેડૂતો સહિત સ્થાનિકોમાં ખુશીનો માહોલ છવાયો છે.
Surat : શહેર જિલ્લામાં આજે વરસાદની રિ-એન્ટ્રી થઈ ગઈ છે. ભારે ઉકળાટ અને બફારા વચ્ચે વરસાદી માહોલ જામ્યો છે. બપોરના સમયે વરસાદ વરસતા વાતાવરણમાં ઠંડક પ્રસરી ગઈ છે. શહેરના અડાજણ,પાલ, ડભોલી, પુણા ગામ, અર્ચના સ્કૂલ, લિંબાયત ગરનાળા, કતારગામ જેવા નીચાણવાળા વિસ્તારોના રસ્તા પર પાણી ભરાઈ ગયા હતાં.
થોડા દિવસોના વિરામ બાદ કડાકા ભડાકા સાથે ફરી મેઘરાજાની સવારી આવી પહોંચી હતી. જેથી ભારે બફારા અને ઉકળાટનો અનુભવ કરતાં લોકોએ વરસાદમાં ભીંજાવાની મોજ માણી હતી. સુરતના ડભોલી, પુણાગામ, અર્ચના સ્કૂલ, લિંબાયત ગરનાળા, કતારગામ જેવા નીચાણવાળા વિસ્તારોમાં રસ્તા પાણી ભરાઈ ગયા હતાં. જેને લઈને વાહનચાલકોને હાલાકી પડી હતી.
દક્ષિણ ગુજરાતમાં વરસાદી માહોલ છવાયો છે. હવામાન વિભાગની આગાહી પ્રમાણે દક્ષિણ ગુજરાતમાં વરસાદની રી-એન્ટ્રી થઇ છે. જેમાં નવસારી શહેરમાં અને જિલ્લામાં વરસાદી ઝાપટાં પડયા છે. જેમાં ચીખલી તાલુકામાં બપોર બાદ વાતાવરણમાં પલટો આવ્યો હતો. અને પવન સાથે વરસાદ આવતા વાતાવરણમાં ઠંડક પ્રસરી હતી. વરસાદી હેલીને કારણે નવસારીવાસીઓમાં આનંદની લાગણી છવાઇ છે.
વલસાડ જિલ્લામાં વરસાદી માહોલ
વલસાડ જિલ્લામાં વહેલી સવારથી વાતાવરણમાં પલટો આવ્યો હતો. જેમાં વલસાડ, પારડી, વાપી, ઉમરગામ તાલુકામાં વરસાદ નોંધાયો છે. જિલ્લામાં લાંબા વિરામ બાદ વરસાદ નોંધાયો છે. લાંબા વિરામ બાદ વરસાદ પડતાં સમગ્ર વિસ્તારમાં ઠંડક પ્રસરી ગઇ હતી. અને, વલસાડ પંથકમાં વરસાદી માહોથી ધરતીપુત્રોમાં ખુશીનો માહોલ છવાયો છે.
Published On - 4:49 pm, Sat, 10 July 21