Surat : સમાજ માટે ખરેખર શરમજનક ઘટના, કોસંબામાં 70 વર્ષીય વૃદ્ધા સાથે બળાત્કાર-હત્યાની ઘટનાથી સન્નાટો
સિવિલ(Civil ) હોસ્પિટલના તબીબો દ્વારા મહિલાની સર્જરી કરવામાં આવી હતી. પણ ઇજા એટલી ગંભીર હતી કે વૃદ્ધાએ ગણતરીના સમયમાં જ દમ તોડી દીધો હતો.
સમાજ માટે એક શર્મનાક કિસ્સો સુરતના કોસંબા (Kosamba )સામે આવ્યો છે. જ્યાં 70 વર્ષીય વૃદ્ધ(Aged ) મહિલા સાથે બળાત્કાર(Rape ) ગુજારવામાં આવ્યો છે. આ ઘટના પ્રકાશમાં આવતાની સાથે જ આસપાસના વિસ્તારમાં આશ્ચર્યની સાથે આરોપી પર ફિટકાર પણ વરસી રહ્યો છે. લોકો આ ઘટનાને ખુબ ગંભીરતાથી જોઈ રહ્યા છે. વધુમાં મળતી માહિતી પ્રમાણે સુરતના કોસંબા રેલવે સ્ટેશન નજીક તારીખ 28 જુલાઈના રોજ રાત્રે 2.45 વાગ્યાની આસપાસ આ ઘટના બની હતી. જેમાં અજાણ્યા ઇસમે આ વિસ્તારમાં રહેતી એક 70 વર્ષીય વૃદ્ધ મહિલાને પોતાની હવસનો શિકાર બનાવી હતી. મહિલાની એકલતાનો લાભ લઈને કોઈ અજાણ્યા શખ્સે તેની સાથે બળાત્કાર ગુજાર્યો હતો.
આ ઘટનાથી હેબતાઈ ગયેલી વૃદ્ધાએ બુમાબુમ કરતા આરોપી ગભરાઈ ગયો હતો. અને આવેશમાં આવીને તેણે મહિલાના પ્રાઇવેટ પાર્ટમાં હાથ નાખીને શરીરના અંદરના અવયવો પણ ખેંચી કાઢીને મહિલાને ગંભીર ઇજા પહોંચાડી હતી. વૃદ્ધાને લોહીલુહાણ હાલતમાં 108ની મદદથી સુરતની સિવિલ હોસ્પિટલમાં ખસેડવામાં આવી હતી.
સિવિલ હોસ્પિટલના તબીબો દ્વારા મહિલાની સર્જરી કરવામાં આવી હતી. પણ ઇજા એટલી ગંભીર હતી કે વૃદ્ધાએ ગણતરીના સમયમાં જ દમ તોડી દીધો હતો. જોકે સમગ્ર બાબતે મેડિકલ ઓફિસરને શંકા ગઈ હતી. અને તેઓએ મહિલાનું પીએમ કરાતા વૃદ્ધ મહિલા સાથે દુષ્કર્મ કર્યું હોવાનું બહાર આવ્યું હતું. પોલીસને જાણ કરાતા પોલીસે આ ઘટનામાં 376 અને 302ની કલમ લગાવી ગુનો દાખલ કરી વધુ તપાસ હાથ ધરી હતી.
પોલીસે તપાસમાં એક શંકાસ્પદ યુવકની અટકાયત પણ કરી હતી. અને આ યુવકે પોલીસ પૂછપરછમાં પોતાનો ગુનો કબુલ પણ કરી લીધો છે. પોલીસે આરોપીની ધરપકડ કરીને રિમાન્ડ માટે તજવીજ શરૂ કરી છે.
Input Credit by Suresh Patel (Olpad )
Published On - 8:48 am, Tue, 2 August 22