Surat : અસામાજિક તત્વો બેફામ બન્યા, લક્ઝુરિયસ કાર ચાલક પર છરી વડે હુમલાનો પ્રયાસ

સુરતમાં(Surat)  અસામાજિક તત્વોનો આતંક ફરી એકવાર સામે આવ્યો.એક લક્ઝુરિયસ કારના (Car) ચાલક પર છરી વડે હુમલાનો પ્રયાસ કરવામાં આવ્યો.બે ટુ વ્હીલર પર આવેલા ચાર શખ્સો કારના ચાલકને અપશબ્દો બોલીને મારવાની ધમકી આપતા રહ્યાં.આ વેપારી પર સોપારી કિલિંગ હેઠળ હુમલો(Attack)  કરવાનો પ્રયાસ કરાયો હોવાની આશંકા છે. જો કે કારના ચાલકે સૂઝબૂઝ વાપરીને હુમલો કરવા આવેલા ચારેય શખ્સોનો વીડિયો બનાવી લીધો.આ વાયરલ થયેલો વીડિયો ઉમરા પોલીસ સ્ટેશનની (Umara Police Station) હદનો હોવાની ચર્ચા છે.સુરત પોલીસે (Surat Police) આવા અસામાજિક તત્વો સામે કડક કાર્યવાહી કરવી જોઈએ.

અસામાજીક તત્વો પર લગામ ક્યારે ?

આ પહેલા સુરતના ઉધના વિસ્તારમાં લુખ્ખા તત્વોનો આતંક સામે આવ્યો હતો. તલવાર અને લાકડાના ફટકા વડે વાહનોમાં તોડફોડ કરી હતી. ત્યારે આવા લુખ્ખા તત્વોને પોલીસે ખુલ્લી દોર આપી દીધી હોય તેમ દિન-દહાડે સોસાયટીઓમાં તોડફોડ કરી લોકોમાં ભય પેદા કરી રહ્યા છે.