સુરત: આત્મનિર્ભર ભારત અંતર્ગત દેશને આજે 54મી ઈન્ટરસેપટર બોટ C454 સમર્પિત કરવામાં આવી
આત્મનિર્ભર ભારત અંતર્ગત દેશને આજે 54મુ ઈન્ટરસેપટર બોટ C454 સમર્પિત કરવામાં આવ્યુ છે.
આત્મનિર્ભર ભારત અંતર્ગત દેશને આજે 54મુ ઈન્ટરસેપટર બોટ C454 સમર્પિત કરવામાં આવ્યુ છે. સુરતના હજીરા ખાતે L&T કંપની દ્વારા આત્મનિર્ભર ભારત અંતર્ગત ઈન્ટરસેપટર બોટ બનાવવામાં આવી રહી છે અને આ બોટ સમુદ્રમાં ભારતીય તટરક્ષક દળને ખુબ જ ઉપયોગી નીવડી રહ્યું છે. ભૂતકાળમાં સમુદ્રમાં ચોક્કસ પેટ્રોલિંગના કારણે નશાકારક દ્રવ્યોના સ્મગલિંગનો પર્દાફાશ કરવામાં આવ્યો છે અને તે આજ ઈન્ટરસેપટર બોટના કારણે શક્ય બન્યું છે. મુંબઈ 26/11 હુમલામાં કુબેર બોટ મારફત આતંકીઓ મુંબઈ સુધી પહોંચી ગયા હતા અને પોતાના મનસૂબાને પાર પાડવામાં સફળ રહ્યા હતા.
ત્યારબાદ ડિફેન્સ વિભાગ દ્વારા સુરતની L&T કંપનીને ઈન્ટરસેપટર બોટ બનાવવાનો કોન્ટ્રાક્ટ આપ્યો અને તે પૈકી C454 ઈન્ટરસેપટર બોટ દેશને સમર્પિત કરવામાં આવી છે. આ બોટ 80 કિલોમીટર પ્રતિ કલાક સ્પીડથી સમુદ્રમાં દોડશે. આ બોટને પાકિસ્તાન બોર્ડરથી 80 માઈલ દૂર જખૌમાં તૈનાત કરવામાં આવનાર છે. ત્યારે દુશ્મનોના દાંત ખાટા કરવા માટે આ ઈન્ટરસેપટર બોટ કારગર નીવડશે, સમુદ્રમાં ચાલતી પ્રતિબંધિત ગતિવિધિઓને રોકવા માટે ખાસ ટીમ બનાવવામાં આવી છે. જે આ ઈન્ટરસેપટર બોટમાં કામગીરી કરશે. આ બોટના કેપ્ટન મોહહમદ દાનીશને રાખવામાં આવ્યા છે, તેમની સાથે 11 શૈલર બોટમાં હાજર રહી કામ કરશે.
ઈન્ડિયન કોસ્ટ ગાર્ડના નોર્થ વેસ્ટના કમાન્ડર રાકેશ પાલે મહત્વની જાણકારી આપી હતી, સાથોસાથ ઈન્ટરસેપટર બોટના કેપ્ટન મોહહમદ દાનીશે આ બોટ પર તૈનાતી થતાં ખુશી વ્યક્ત કરી હતી. આ કાર્યક્રમમાં ખાસ ઉપસ્થિત સુરત પોલીસ કમિશ્નર અજય તોમરે જણાવ્યું હતું કે ભારતીય કોસ્ટ ગાર્ડને સમર્પિત કરવામાં આવેલ બોટ ખુબ જ ઉપયોગી છે, સમુદ્રમાં થતાં તમામ પ્રતિબંધિત ગતિવિધિઓ પર રોક લગાવી શકાશે. કોસ્ટલ વિસ્તારમાંથી ડ્રગ્સ માફિયા, એન્ટી નેશનલ એલિમેન્ટ, સ્મગલર પ્રવેશ કરવા માંગે છે, પરંતુ આ તમામની યોજનાને સ્વદેશી કંપની મેસર્સ એલ એન્ડ ટી જેટ્ટી, હજીરા (સુરત) દ્વારા તૈયાર ઈન્ટરસેપ્ટર બોટ C-454 નિષ્ફળ બનાવે છે.
આ પણ વાંચો: અમદાવાદમાં AMTSની બસોમાં કોરોનાના નિયમોના ધજાગરા, સોશિયલ ડિસ્ટન્સના નામે શૂન્ય
Latest News Updates
