સુરતમાં રાત્રિ કર્ફયુને લઇને હોટલ સંચાલકો મુશ્કેલીમાં, અંદાજિત 1500 લગ્નના ઓર્ડર કેન્સલ થતા હોટલ સંચાલકોને નુકસાન

સુરતમાં રાત્રિ કરફયુને લઈને હોટલ સંચાલકોને નુકસાન ભોગવવાનો વારો આવ્યો છે. હોટલ એસોસિયેશનના પ્રમુખ દ્વારા મુખ્યપ્રધાનને પત્ર લખી રજુઆત કરવામાં આવશે. લગ્ન સિઝન હોવાથી તમામ ઓર્ડર અને પાર્ટી કેન્સલ થઈ રહ્યા છે. સુરતમાં અંદાજીત 1500થી વધુ લગ્નના ઓર્ડર કેન્સલ થયા છે. લોકોએ કોરોનાને લઈ હોટલના હોલ અને હોટલ બુક કરાવેલા હતા. હોટલ સંચાલકોને કરોડોનું નુકસાન વેઠવાનો વારો આવ્યો છે. કરફયુ સમયમાં રાત્રે 9ની જગ્યાએ રાત્રે 11 કે 12નો કરવા માટે માગ કરાઇ.