નર્મદા: ધોરણ 10ની પરીક્ષા આપવા જઈ રહેલા બે વિદ્યાર્થીઓને નડ્યો અકસ્માત, એકનું મોત, એકને ગંભીર ઈજા

નર્મદા જિલ્લામાં ધોરણ 10ની પરીક્ષાના પહેલા દિવસે કરૂણ ઘટના બની છે. ભદામ ગામના ધોરણ 10ની બોર્ડની પરીક્ષા આપવા જઈ રહેલા 2 વિદ્યાર્થીઓને અકસ્માત નડ્યો છે. ભદામથી માંગરોળ જતાં ગુવામ ગામ પાસે બાઈક સ્લીપ ખાઈ જતાં ઘટના સ્થળે જ એક વિદ્યાર્થીઓનું મોત થયું છે, ત્યારે બીજા વિદ્યાર્થીને ગંભીર ઈજા થઈ છે. જેને તાત્કાલિક સારવાર માટે રાજપીપળા સિવિલ હોસ્પિટલમાં ખસેડવામાં આવ્યો છે. બંને વિદ્યાર્થીઓના નંબર માંગરોળ સ્કુલમાં આવ્યા હતા.

આ પણ વાંચો: કોરોના વાયરસ: રાજ્યસભામાં સ્વાસ્થ્ય પ્રધાને કહ્યું કે અત્યાર સુધી 29 કેસ, 28,529 લોકો પર નજર રાખવામાં આવી રહી છે