સ્માર્ટ સિટી સુરતમાં પહેલીવાર UPની જેમ ગેરકાયદેસર દેશી તમંચા બનાવવાનું કારખાનું PCBએ પકડી પાડ્યું

સુરત: બળદેવ સુથાર

સ્માર્ટ સિટી સુરતમાં પહેલીવાર યુપીની જેમ ગેરકાયદે દેશી તમંચા બનાવવાનું કારખાનું પીસીબીએ પાંડેસરા વિસ્તારમાંથી પકડી પાડયું છે. પોલીસ કમિશનર અજય તોમરના માર્ગદર્શન હેઠળ પીસીબી દ્વારા બાતમીને આધારે પાંડેસરા અપેક્ષા નગરના પ્લોટ નં-215ના કારખાનામાં ચેકિંગ કર્યુ હતું. દરમિયાન ત્યાંથી મનોજ લક્ષ્મી પ્રસાદ યાદવને દબોચી લીધો હતો. પકડાયેલા મનોજ લક્ષ્મી પ્રસાદ કારખાનામાં દેશી તમંચો બનાવતો હતો. એક દેશી તમંચો તૈયાર પણ મળી આવ્યો હતો. શહેરમાં વકરી રહેલી ગુનાખોરી વચ્ચે તમંચો બનાવવાનું રેકેટ મળી આવ્યું હતું.

પાંડેસરા અપેક્ષાનગરમાં પોલીસે રેડ કરી એક તમંચો તથા ચાર અડધા બનેલાં તમંચાના બેરલ (નાળચા) ઉપરાંત તમંચો બનાવવા માટે ઉપયોગી સામગ્રી મળી આવી હતી. આ કારખાનું શરૂ કરનાર બે પૈકી એકની ધરપકડ કરાઈ હતી. અજય તોમરે પોલીસ કમિશનર તરીકે ચાર્જ સંભળાવાની સાથે આકરાં તેવર બતાવતાં કર્મચારીઓ દોડતાં થયા છે. ખાસ કરીને પ્રિવેન્શન ઓફ ક્રાઈમ તેના અસલી રંગમાં આવી ગઈ છે.

ઈન્સપેક્ટર ભાટિયાના માર્ગદર્શન હેઠળ ટીમના માણસો ગેરકાયદેસર હથિયાર રાખનારા, લાવનારા, વેચનારાઓ અંગે માહિતી મેળવી કાર્યવાહી માટે પેટ્રોલીંગમાં હતી. આ દરમિયાન મળેલી બાતમીના આધારે પાંડેસરા અપેક્ષા નગરમાં દરોડો પાડવામાં આવ્યો હતો. અહીં ત્રણ દિવસ પહેલાં જ રહેવા આવેલો મનોજ લક્ષ્મી પ્રસાદ યાદવના ઘરમાં તમંચો બનાવવા માટે ઉપયોગી મશીનરી હોવાની સાથે તમંચો અને અર્ધબનેલાં તમંચા હોવાની બાતમીના પગલે કાર્યવાહી કરાઈ.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

આવી રીતે હથિયાર બનાવતો હતો

પાણીની લોખંડની પાઈપ તમંચાના બેરલની સાઈઝનું કટિંગ કરતો, ત્યારબાદ લાકડાને આરીથી ઘસીને બટની સાઈઝની ડિઝાઈન આપતો હતો. સેન્ટર મિકેનિઝમ બનાવવા વાંદરીપાનું અને પ્રેશર પક્કડનો ઉપયોગ કરતો હતો. બધા પાર્ટ્‌સ તૈયાર થઈ ગયા બાદ વેલ્ડિંગ કરીને હથિયાર બનાવતો હતો.