અંબાજી મંદિર અને ગબ્બરનો સંપૂર્ણ ઇતિહાસ: મૂર્તિ વિનાની પૂજા, અખંડ જ્યોત અને વીસા યંત્રનું ગૂઢ રહસ્ય- વાંચો
શક્તિપીઠ અંબાજી એવું પાવન ધામ છે જ્યાં કોઈ ભૌતિક કે માનવ આકૃતિવાળી મૂર્તિ નથી, છતાં દર વર્ષે લાખો શ્રદ્ધાળુઓ અહીં શીશ નમાવવા આવે છે. આજે આપણે અંબાજી મંદિરના સ્થાપત્ય, શક્તિપીઠ તરીકેની પૌરાણિક કથા, મૂર્તિ વિનાની પૂજા પાછળનું અધ્યાત્મ, ગબ્બર પર્વતનું રહસ્ય, અખંડ જ્યોત અને તેની સાથે જોડાયેલી વર્ષો જૂની પરંપરાઓ વિશે વિગતવાર જાણીશુ.
ગુજરાતના ઉત્તર ભાગમાં, રાજસ્થાન સરહદ નજીક આવેલા બનાસકાંઠા જિલ્લામાં અરવલ્લી અને અરાસુરની પ્રાચીન પર્વતમાળાઓ વચ્ચે અંબાજી આવેલું છે. સમુદ્ર સપાટીથી આશરે 480 મીટરની ઊંચાઈ પર સ્થિત આ પવિત્ર ભૂમિ માત્ર એક ભૌગોલિક સ્થળ નથી, પરંતુ કરોડો શ્રદ્ધાળુઓના અતૂટ વિશ્વાસ અને આધ્યાત્મિક ચેતનાનું મહાકેન્દ્ર છે. આ ભૂમિ પર પ્રવેશતાં જ આરાસુર પહાડીઓની શાંતિ, ધૂપ-ઘીની દિવ્ય સુગંધ અને મંદિરના ઘંટારવ સાથે એક અલૌકિક ઊર્જાનો અનુભવ થાય છે. અંબાજી મંદિરનો પૌરાણિક ઇતિહાસ અને શક્તિપીઠની કથા અંબાજી મંદિરનો સંબંધ ભારતની પ્રાચીન શક્તિપીઠ પરંપરા સાથે ઊંડો જોડાયેલો છે. સરકારી પ્રવાસન વિભાગ અનુસાર, અહીં દેવી ઉપાસનાની પરંપરા અત્યંત પ્રાચીન એટલે કે વેદકાળ પૂર્વેની (Pre-Vedic) શક્તિ પરંપરાઓ સાથે જોડાયેલી હોવાનું માનવામાં આવે છે. સ્થાનિક રીતે આ દેવીને ‘અરાસુરી અંબા’ તરીકે પણ ઓળખવામાં આવે છે, કારણ કે આ તીર્થ આરાસુર ટેકરીઓ પર સ્થિત છે. સતીનો દેહત્યાગ અને શક્તિપીઠની ઉત્પત્તિ પૌરાણિક કથા મુજબ, પ્રજાપતિ દક્ષે એક મહાહવન (યજ્ઞ)નું આયોજન કર્યું હતું, જેમાં તમામ દેવો અને ઋષિઓને આમંત્રિત કરાયા હતા પરંતુ ભગવાન શિવને આમંત્રણ...
Published On - 9:25 pm, Thu, 24 September 26
