ટુર એન્ડ ટ્રાવેલ્સ ઉદ્યોગને બેઠો કરવા ગુજરાત ટુરિઝમની કવાયત, કેવડિયામાં ટ્રાવેલ એજન્ટનો એક સેમિનાર યોજાયો

ટુરિઝમ વિભાગે ટુર એન્ડ ટ્રાવેલ્સ ઉદ્યોગને બેઠો કરવા કવાયત હાથ ધરી છે. કેવડિયામાં ટ્રાવેલ એજન્ટનો એક સેમિનાર યોજાયો હતો, ટેન્ટ સિટી ખાતે મધ્ય અને દક્ષિણ ગુજરાતના 50 ટ્રાવેલ્સ એજન્ટોને બોલાવવામાં આવ્યા હતા. જ્યાં તેમને સ્ટેચ્યુ ઓફ યુનિટીમાં જોવા લાયક તમામ સ્થળો અંગે અવગત કરાયા હતા. ટેન્ટ સિટી ખાતે હવે પ્રિવેડિંગ શુટિંગ સહિતની પણ સુવિધા ઉભી કરવામાં આવશે.

આ ઉપરાંત આદિવાસી નૃત્ય પણ પ્રવાસીઓ માટે આકર્ષણનું કેન્દ્ર બનશે. મહત્વનું છે કે કોરોનાના કપરા કાળમાં પ્રવાસીઓ અન્ય રાજ્યોમાં જવાનું ટાળી રહ્યા છે. ત્યારે ઘર આગણે જ પ્રવાસીઓ મનોરંજન મેળવી શકે તે દિશામાં ગુજરાત ટુરિઝમ વિભાગ પ્રયાસ હાથ ધરી રહ્યું છે. આગામી 1 ઓક્ટોબરથી જંગલ સફારી પાર્ક પણ પ્રવાસીઓ માટે ખુલ્લો મુકવાનો નિર્ણય લેવાતા ટ્રાવેલ્સ એજન્ટોએ તમામ નિર્ણયોને આવકાર આપ્યો છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો