આગામી 30 માર્ચે અજય દેવગનની મોસ્ટ અવૈટેડ ફિલ્મ ‘ભોલા’ રિલીઝ થઈ રહી છે.આ ફિલ્મમાં અજય દેવગન સાથે રાજકોટની 9 વર્ષીય એક્ટ્રેસ હિરવા ત્રિવેદી પણ મહત્વનો રોલ નિભાવી રહી છે.આ પહેલા હિરવા જાણીતી ટીવી સિરિયલ્સમાં કામ કરી ચૂકી છે.આવો જાણીએ રાજકોટની ક્યૂટ ગર્લ હિરવા વિશે..
ભોલા ફિલ્મ હિરવાની પહેલી બોલીવુડ ફિલ્મ છે.આ પહેલા હિરવા અનેક જાણીતી ટીવી સિરીયલમાં કામ કરી ચૂકી છે. હિરવા દિલ જેસે ધડકે ધડકને દો,ગુમ હૈ કિસી કે પ્યાર મે,શુભ લાભ,કાશીબાઈ બાજીરાવ બલાલ જેવી જાણીતી સીરીયલ્સમાં કામ કરી ચૂકી છે. ત્યારબાદ તેને ભોલા જેવી ફિલ્મમાં કામ કરવાનો મોકો મળ્યો છે. આ માટે તેણીએ નાની ઉંમરે ખૂબ જ હાર્ડવર્ક પણ કર્યું છે.
હિરવાએ જણાવ્યું હતું કે જ્યારે તેને ખબર પડી કે તેનું નામ ભોલા ફિલ્મ માટે ફાઇનલ થયું છે ત્યારે તે ખૂબ જ એક્સાઇટેડ હતી. અને જ્યારે અજય દેવગનને મળવાનું હતું તે પહેલા તે ખૂબ જ નર્વસ હતી પરંતુ જ્યારે તે અજય દેવગનને મળી ત્યારે તેને લાગ્યું કે તે ખૂબ જ સામાન્ય વ્યક્તિને મળી છે. હિરવાએ જણાવ્યું કે અજય સર સાથે ભોલા ફિલ્મમાં કામ કરવાની ખૂબ જ મજા આવી અને ઘણું શીખવા પણ મળ્યું. ભોલા ફિલ્મમાં હિરવા જ્યોતિ નામની બાળકીનો રોલ નિભાવી રહી છે.
હિરવાએ જણાવ્યું હતું કે એક્ટિંગની સાથે સાથે તે પોતાનું સ્ટડી બગડવા નથી દેતી. જ્યારે શૂટ માંથી સમય મળે ત્યારે તે પોતાનું સ્ટડી પૂરું કરી લે છે. હિરવએ જણાવ્યું હતું કે એક્ટિંગની સાથે તેને સિંગિંગ અને રાઇટીંગનો પણ શોખ છે. હિરવાએ જણાવ્યું હતું કે તેના મમ્મી પપ્પાનો તેને ખૂબ જ સપોર્ટ છે અને તેના બધા શોખ તેના પપ્પા પૂરા કરે છે.
આ પણ વાંચો: રાજકોટની હિરવાએ બોલિવુડમાં ડંકો વગાડ્યો , ફિલ્મ ભોલામાં અજય દેવગન સાથે લીડ રોલમાં જોવા મળશે
હિરવાની ફેવરિટ હિરોઈન આલિયા ભટ્ટ છે અને તેના ફેવરિટ હીરો અક્ષય કુમાર છે. અક્ષય કુમાર સાથે પણ ફિલ્મ કરવાનું હિરવાનું સ્વપ્ન છે. હીરવાએ જણાવ્યું હતું કે દિલ જૈસે ધડકે ધડકને દોના પ્રોડ્યુસર મહેશ ભટ્ટ હતા.તેઓ હીરવાની આલિયા સાથે મુલાકાત કરાવવાના જ હતા અને કોરોના આવી ગયો. પરંતુ હીરવાએ જણાવ્યું હતું કે તે બહુ જલ્દી જ આલિયાને મળશે. આ ઉપરાંત હીરવાએ જણાવ્યું હતું કે તે આગળ પણ ઘણી બધી મોટી બોલીવુડ ફિલ્મમાં કામ કરવા માગે છે અને તેના માટે તે મહેનત ચાલુ રાખશે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
Published On - 9:39 am, Tue, 28 March 23