રાજકોટમાં ફ્લેટધારકને 10 લાખનું વીજ બિલ ફટકારાયું, ગ્રાહકે ફરિયાદ કરતાં નવું બિલ આપ્યું

રૂપિયા 10 લાખનું બિલ આપવામાં ગ્રાહકે ફરિયાદ કરી હતી. ત્યારબાદ પીજીવીસીએલના અધિકારીએ પંચિંગ મિસ્ટેક્સ હોવાનું કહીને સુધારેલું બિલ આપ્યું હતું અને ભવિષ્યમાં આવું ન થાય તે માટે તકેદારીના પગલાં લેવાશે તેવો દાવો કરાયો હતો.

TV9 GUJARATI

| Edited By: kirit bantwa

Mar 07, 2022 | 4:37 PM

રાજકોટમાં પીજીવીસીએલની વીજ બિલ બનાવવામાં એક ગંભીર બેદરકારી જોવા મળી છે. રાજકોટમાં રેસકોર્ટ વિસ્તારમાં રહેતા 1 BHK ફ્લેટ ધારકનેરૂપિયા 10 લાખથી વધુનું વીજબિલ ફટકારવામાં આવ્યું છે. 1 BHK ફ્લેટ ધારકને રૂપિયા 10 લાખનું વીજબિલ ફટકારવામાં આવતા તે ચિંતામાં મુકાઇ ગયાં હતાં. આ સમગ્ર મામલે તેણે PGVCLની ઓફિસે રજૂઆત પણ કરી છે.

રાજકોટના રેસકોર્સ (rajkot) નજીક ફ્લેટમાં રહેતા જયંત વાડોદરિયા નામના વીજગ્રાહકને રૂપિયા 10,41,368નું વીજબિલ ફટકારવામાં આવ્યું હતું. 2 મહિનાનું રૂપિયા 10 લાખ જેટલું બિલ આપવામાં આવતા વીજ ગ્રાહક જયંતભાઈ ચોકી ગયા હતા અને તેમજ આ મામલે તેમણે પીજીવીસીએલને જાણ કરી હતી.

ગત 5 માર્ચને શનિવારે પીજીવીસીએલના કર્મચારી મીટર રીડિંગ કરવા આવ્યા હતા અને જાન્યુઆરી-ફેબ્રુઆરીનું વીજબિલ આપ્યું હતું. ગ્રાહકને 10,41,368નું બિલ અપાયું હતું. આ ઉપરાંત બિલમાં પણ 15 માર્ચ સુધીમાં આ બિલ ભરપાઈ કરી દેવાની સૂચના પણ હતી.

સમગ્ર મામલે પીજીવીસીએલની ગંભીર બેદરકારી સામે આવ્યા બાદ તેમના દ્વારા તાત્કાલિક જયંતભાઈના ઘરે જઈને સુધારેલુ બિલ આપવામાં આવ્યું હતું. જ્યારે આ મામલે મામલે જયંતભાઈએ જણાવ્યું હતું કે, મારા ફ્લેટની કિંમત રૂપિયા 15 લાખ જેટલી થાય છે. એવામાં પીજીવીસીએલ દ્વારા રૂપિયા 10 લાખનું બિલ આપવામાં તરત જ પીજીવીસીએલમાં ફરિયાદ કરી હતી. ત્યારબાદ પીજીવીસીએલના અધિકારીએ પંચિંગ મિસ્ટેક્સ હોવાનું કહીને સુધારેલું બિલ મને આપ્યું હતું અને ભવિષ્યમાં આવું ન થાય તે માટે તકેદારીના પગલાં લેવાશે તેવો પીજીવીસીએલ દ્વારા દાવો કરાયો હતો.

આ પણ વાંચોઃ  Banaskantha: પાણીનો પ્રશ્ન વિકટ બન્યો, પાલનપુર તાલુકાના ખેડૂતોએ ટ્રેકટર રેલી કાઢી

આ પણ વાંચોઃ રાજ્યમાં આજથી ત્રણ દિવસ કમોસમી વરસાદની આગાહી, ધરતીપુત્રોની ચિંતામાં થયો વધારો

Follow us on

Click on your DTH Provider to Add TV9 Gujarati