દેવભૂમિ દ્બારકા જિલ્લાના બેટ દ્વારકામાં ( Bat Dwarka) PFIની આશંકાને પગલે સમગ્ર બેટ દ્વારકા પોલીસ (Police) છાવણીમાં ફેરવાઈ ગયું છે. બેટ દ્વારકામાં પોલીસ કોર્ડન દ્વારા ચાંપતો બંદોબસ્ત ગોઠવવામાં આવ્યો છે. PFI ક્નેક્શનને પગલે ઓખા – બેટ દ્વારકા વચ્ચે ડિમોલિશન હાથ ધરવામાં આવશે. સાથે જ નિર્માણાધીન સિગ્નેચર બ્રિજ આસપાસના સ્થળોના દબાણો દૂર કરાવમાં આવશે. આ ઘટનાને પગલે દ્વારકાથી બેટ દ્વારકા જતી ફેરી બોટ સર્વિસ બંધ કરવામાં આવી છે.
આ ઘટનાને પગલે દ્વારકા જિલ્લામાં પોલીસ તેમજ એસ.આર.પી. ની ટીમો ખડકાઇ છે. દ્વારકા જિલ્લામાં પોલીસ ઊંચ અધિકારીઓ સહિત એસ.આર.પી. ની મોટી હિલચાલ જોવા મળી રહી છે અને એસ.આર.પી. ની બે કંપનીઓ સહિત મોટી માત્રામાં પોલીસ જવાન નો કાફલો બેટ દ્વારકા માં ખડકાયો છે.મોટી માત્રા ઊંચ કક્ષાના અધિકારો ટિયર ગેસ, બુલેટપ્રુફ જેકેટ તેમજ હથિયારોથી સજ્જ જવાનો ના કાફલો બેટ દ્વારકામાં જોવા મળી રહ્યો છે.
પોપ્યુલર ફ્રન્ટ ઓફ ઈન્ડિયા (PFI) પર પ્રતિબંધ બાદ વડોદરામાં ગુજરાત ATS (Gujarat ATS)એ એક મદરેસા પર મોટી કાર્યવાહી કરીને તેને સીલ કરી દીધી છે. મળતી માહિતી મુજબ મદરેસામાં મોટું ષડયંત્ર (Big Conspiracy in Madrasa) રચવાની શક્યતાને જોતા ATSએ આ કાર્યવાહી કરી છે. કેસમાં એસીપી એએચ રાઠોડએ જણાવ્યું હતું કે સ્પેશિયલ ઓપરેશન ગ્રુપ(Special Operation Group)ની ટીમને માહિતી મળી હતી કે એક મસ્જિદમાં કેટલીક શંકાસ્પદ પ્રવૃત્તિ ચાલી રહી છે. પ્રતિબંધિત સંગઠન ઓલ ઈન્ડિયા ઈમામ કાઉન્સિલ (All India Imam Council)ની પણ અહીં બેઠક યોજાઈ હતી. આ પછી પોલીસ ટીમે અહીં તપાસ કરી અને આ જગ્યાને સીલ કરી દીધી.
ઉલ્લેખનીય છે કે મંગળવારે NIAએ PFIના અલગ-અલગ સ્થળોએ કાર્યવાહી કરીને 247 લોકોની ધરપકડ કરી હતી. મોટાભાગની ધરપકડ કર્ણાટકની હતી. અહીંથી 72 લોકોની ધરપકડ કરવામાં આવી છે. આ પછી ઉત્તર પ્રદેશમાંથી 44 અને મહારાષ્ટ્રમાંથી 43 લોકોની ધરપકડ કરવામાં આવી હતી. તે જ સમયે, દિલ્હી, મધ્યપ્રદેશ, આસામ અને ગુજરાતમાંથી પણ ધરપકડ કરવામાં આવી છે.
વિથ ઇનપુટ: મનીષ જોષી, દેવભૂમિ દ્વારકા, Tv9
Published On - 9:22 am, Sat, 1 October 22