બિનસચિવાલયમાં ક્લાર્કની ભરતીમાં પેપર લીક કેસઃ આરોપી લકવિંદરસિંહની તબિયત ખરાબ, ICUમાં કરાયો દાખલ

બિનસચિવાલયમાં ક્લાર્કની ભરતીમાં પેપર લીક કેસમાં એક નવી ઘટના સામે આવી છે. આરોપી લખવિંદરની તબિયત લથડી હોવાના સમાચાર સામે આવ્યા છે. લખવિંદરને ગાંધીનગર સિવિલ હોસ્પિટલમાં દાખલ કરાયો છે. અને ત્યાં ICUમાં તેને સારવાર આપવામાં આવી રહી છે.

આ પણ વાંચોઃ લખનઉમાં પ્રેસ યોજી પ્રિયંકા ગાંધીએ યોગી સરકાર પર કર્યા પ્રહાર, આ બે બાળકોના મોત પર ઉઠાવ્યા સવાલ

બિન સચિવાલય પેપર લીક કાંડ મામલે પોલીસને મોટી સફળતા મળી છે. બિન સચિવાલયના પેપર લીક કરનાર 6 વ્યક્તિની પોલીસે ધરપકડ કરી છે. જેમાં પ્રવિણદાન ગઢવી, એમએસ સ્કૂલના પ્રિન્સિપાલ વિજેન્દ્રસિંહ વાઘેલા, ફકરુદ્દીન ઘડીયારી, મહમદ ફારુક અબ્દુલ વહાબ કુરેશી, દીપક જોષી, રામભાઈ ગઢવી અને લખવિંદર સિંહનો સમાવેશ થાય છે. જેમાં પ્રવિણદાન હાલ ફરાર છે. આ આખું ષડયંત્ર દાણીલીમડાની એમએસ સ્કૂલમાં ઘડાયું હતું.

આ સ્કૂલમાંથી પેપરલીક થયું હતું. ગાંધીનગર રેન્જ આઈજી મયંકસિંહ ચાવડાએ જણાવ્યું હતું કે પ્રવીણદાન ગઢવી પેપરલીક કાંડનો મુખ્ય સૂત્રધાર છે. વોટ્સએપ અને ટેલિગ્રામ પર પેપર મોકલવામાં આવ્યું હતું. તેમજ સ્કૂલના પ્રિન્સિપાલ વિજેન્દ્રસિંહ વાઘેલાની પણ સંડોવણી છે. ચોંકાવનારી વાત એ પણ છે કે લખવિંદર સિંહ નામનો આરોપી કોંગ્રેસનો કાર્યકર છે અને સ્કૂલ સંચાલકો મારફતે આખું કૌભાંડ થયું છે. આ સ્કૂલ સામે તપાસ ચાલુ કરવામાં આવી છે. ફખરુદ્દીન નામના શખ્સે પેપરના ફોટોઝ પાડ્યા હતા..

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો