VIDEO: મેઘરાજાના રિસામણા પૂર્ણ અને લાંબો સમય બાદ રાજ્યભરમાં મેઘમહેર, ખેડૂતોમાં ખૂશીનો માહોલ

લાંબા સમય બાદ મેઘરાજાના જાણે કે રિસામણા પૂર્ણ થઈ ગયા હોય તેવી રીતે રાજ્યભરમાં મેઘમહેર થઈ રહી છે. મેઘમહેરની વાત કરીએ તો રાજકોટ શહેર સહિત જસદણ તાલુકામાં પણ મેઘમહેર જોવા મળી હતી. લાંબા વિરામ બાદ મેઘરાજાના આગમનથી ખેડૂતોમાં ખુશીની લાગણી ફેલાઈ. તો જુનાગઢમાં પણ લાંબા સમય બાદ શહેરમાં ધોધમાર વરસાદ વરસતા લોકો ખુશ-ખુશાલ થયા હતા.

આ પણ વાંચોઃ કોંગ્રેસના દિગ્ગજ નેતા શીલા દિક્ષીતનું 81 વર્ષની ઉંમરે નિધન, જાણો તેમના જીવન વિશેની વાતો

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

આ બાજુ અમરેલીના બાબરા પંથક, ધારીના ગીર વિસ્તાર અને સાવરકુંડલામાં વરસાદી રમઝટ જામી હતી. બોટાદ શહેર અને ગઢડા તાલુકાના ઢસાગામે મેઘરાજાએ એન્ટ્રી કરતા મુરજાતી મોલાતને જીવનદાન મળ્યું છે. દક્ષિણ ગુજરાતમાં સુરત અને ડાંગમાં પણ છુટો-છવાયો વરસાદ વરસતા લોકોને બફારાથી રાહત મળી છે.

ઉત્તર ગુજરાતની વાત કરીએ તો બનાસકાંઠાના પાલનપુર અને અમીરઢમાં વરસાદ પડતા વાતાવરણમાં ઠંડક પ્રસરી હતી અને ખેડૂતોના ઉભા પાકને પણ જીવનદાન મળ્યું છે. છોટા ઉદેપુર શહેર અને પાવીજેતપુર પંથકમાં પવન સાથે મેઘરાજાએ ધમાકેદાર બેટિંગ કરી હતી. મહેસાણાના સમગ્ર પંથકમાં પણ ધીમી ધારે વરસાદ વરસ્યો હતો

[yop_poll id=”1″]