ખેડૂતોની મહેનત પાણીમાં! વરસાદના કારણે ઉભા પાકને થયું નુકસાન, જુઓ VIDEO
કચ્છમાં મેઘમહેર હવે કહેર બની રહી છે. કચ્છમાં ચાલુ વર્ષે રેકોર્ડ બ્રેક 173 ટકા વરસાદ થયો છે. જો કે અનરાધાર વરસાદે ખેડૂતોની ચિંતા વધારી છે. ખેડૂતોને હવે લીલા દુષ્કાળની ભીતિ સતાવવા લાગી છે. સતત વરસેલા વરસાદના કારણે ખેડૂતોના ઉભા પાકને મોટી નુકસાની થઈ છે. આ પણ વાંચો: VIDEO: બોલીવુડ અભિનેતા સલમાન ખાને ગાંધીજીની 150મી જન્મજયંતિ […]
કચ્છમાં મેઘમહેર હવે કહેર બની રહી છે. કચ્છમાં ચાલુ વર્ષે રેકોર્ડ બ્રેક 173 ટકા વરસાદ થયો છે. જો કે અનરાધાર વરસાદે ખેડૂતોની ચિંતા વધારી છે. ખેડૂતોને હવે લીલા દુષ્કાળની ભીતિ સતાવવા લાગી છે. સતત વરસેલા વરસાદના કારણે ખેડૂતોના ઉભા પાકને મોટી નુકસાની થઈ છે.
આ પણ વાંચો: VIDEO: બોલીવુડ અભિનેતા સલમાન ખાને ગાંધીજીની 150મી જન્મજયંતિ પર ચાહકોને આપ્યો આ મોટો સંદેશ
ખાસ કરીને અંજાર, ભચાઉ અને રાપર વિસ્તારમાં ખેતરોમાં વરસાદી પાણી ભરાતા ખેડૂતોના ઉભા પાક ધોવાઈ ગયા છે. ખેડૂતોનું કહેવું છે કે કપાસ, મગફળી, એરંડા, તલના પાકમાં મોટું નુકસાન થયું છે. ખેડૂતોએ મોંઘાભાવના બિયારણો લાવીને વાવણી કરી હતી ત્યારે પાક નિષ્ફળ જતા ખેડૂતોને રાતા પાણીએ રોવાનો વારો આવ્યો છે. ખેડૂતો પણ હવે મેઘરાજાને ખમૈયા કરવાની આજીજી કરી રહ્યાં છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
બીજી તરફ અધિકારીઓ પણ સ્વીકારી રહ્યા છે કે કચ્છમાં પડેલા અનરાધાર વરસાદના કારણે ઉભા પાકને મોટાપ્રમાણ નુકસાન પહોંચ્યું છે. ખેતીવાડી વિભાગ અનુસાર રાપર અને અંજારના કેટલાક ગામોમાં ખેતરોમાં પાણી ભરાયા જેથી મગફળી,એરંડાના પાકને નુકસાન પહોંચ્યું છે. જો કે ખેતીવાડી વિભાગે દરેક તાલુકામાં લીલા દુષ્કાળની શક્યતાની વાત નકારી છે. અનેક તાલુકામાં ખેડૂતોને પાછોતરા વરસાદથી ફાયદો થયો છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો