કોરોના વાયરસથી રક્ષણ આપતા ચહેરાના માસ્ક માટે અમદાવાદની બોલબાલાઃ ચીનને પણ આપવો પડે છે ઓર્ડર

ચીનમાં કોરોના વાયરસ એક પછી એક લોકોના જીવ લઈ રહ્યું છે. તે સમયે ચીનને હવે ભારત યાદ આવી છે. જી હા, તમને એ જાણીને નવાઈ લાગશે કે, ભારતના બજારમાં રમકડાથી લઈ ઈલેક્ટ્રોનિક્સની વસ્તુઓ પર મેડ-ઈન-ચાઈના લખ્યું હોય છે. પરંતુ હવે જીવન રક્ષણ કરતા માસ્ક માટે ચીનને ભારત પર નિર્ભર રહેવું પડે છે. ચીનમાં સારી ગુણવત્તાના માસ્કની ખામી છે. જેને પુરી પાડવાનું કામ અમદાવાદની 4 જેટલી કંપની કરી રહી છે.

આ પણ વાંચોઃ સાબરકાંઠાના કોટડા PHC સેન્ટરના એક આરોગ્ય અધિકારીને ACBએ લાંચ લેતા રંગેહાથ ઝડપ્યા

ચીનમાં કોરોના વાયરસના કારણે 200થી વધુ નાગરિકોના મોત થયા છે. કોરોના વાયરસે ચીનમાં હાહાકાર મચાવ્યો છે. મહામારીની હાલતથી બચવા ચીનના નાગરિકો જાહેરમાં કોથળીઓ પહેરી રહ્યાં છે. તો પ્લેનમાં પણ હેલમેટ પહેરીને બેસી રહ્યાં છે. જેને લઈ ચીનની સરકાર શરમજનક સ્થિતિમાં મુકાઈ ચૂકી છે. ચીનમાં કોરોનાનો ભયને જોતા સ્થાનિક સરકારે લોકોને માસ્ક પહેરવા સલાહ આપી છે. પણ ચીન પાસે ગુણવત્તા યુક્ત માસ્ક ન હોવાથી ભારત સુધી હાથ લંબાવવો પડ્યો છે. તમને જણાવી દઈએ કે, ચીનને આ માસ્ક અમદાવાદની ફેક્ટરી પુરા પાડી રહી છે. ગુજરાતમાં માસ્ક બનાવતી ચાર જ કંપનીઓ છે તેમણે ચીનની માંગને પહોંચી વળવા પ્રોડક્શન પણ વધારી દીધું છે.

કોરોના વાયરસને કારણે ચીન, થાઈલેન્ડ, બેનકોક, સિંગાપોર સહિતના દેશોમાં હાલ ગુજરાતભરમાંથી માસ્કનો સપ્લાય થઈ રહ્યા છે. કોરોના વાયરસ માટે N-95 પ્રકારના માસ્ક રક્ષણ આપતા હોય છે. જેને લઈને આ પ્રકારના માસ્કની ડિમાન્ડ વઘારે જોવા મળી રહી છે. જો કે, ફોરેન પોલિસીને કારણે આવા માસ્કનો સપ્લાય કરવામાં વેપારીઓને મુશ્કેલીનો સામનો કરવો પડી રહ્યો છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

ગુજરાતમાં માત્ર 5-6 જ માસ્કના પ્રોડક્શન યુનિટ આવેલા છે. જેમાં રોજના 10 લાખ જેટલા માસ્કનું ઉત્પાદન કરવામાં આવે છે. જો કે ચીન સહિતના અન્ય દેશોમાંથી માસ્કની ડિમાન્ડ વધતા હવે માસ્કના ઉત્પાદકોએ પણ માસ્કનું પ્રોડક્શન વધારી દીધુ છે.