Tapi: ભાજપના ઉમેદવારના પુત્રએ ફોર્મ ફાડી નાખ્યું, કોંગ્રેસનો ઉમેદવાર બિનહરીફ જીતે તેવી શક્યતાઓ

Local Body Poll 2021 Tapi: ભાજપ જિલ્લા સંગઠનમાં આંતરિક અસંતોષ બહાર આવ્યો છે. ચૂંટણીના ફોર્મ ભરવાના છેલ્લા દિવસે જિલ્લા ભાજપને ઝટકો લાગ્યો છે. કુકરમુંડા તાલુકા પંચાયતની પિશાવર બેઠક પર કોંગ્રેસનો ઉમેદવાર બિનહરીફ થાય તેવી શક્યતાઓ છે. ફોર્મ ભરવાની અંતિમ ઘડીએ ભાજપના ઉમેદવારના પુત્રએ ફોર્મ ફાડી નાખ્યું હતું. ફોર્મ ફાડી નાંખતા પિશાવર બેઠક પર ભાજપના ઉમેદવાર ફોર્મ ભરી શક્યા નહતા. પિશાવર તાલુકા પંચાયતની બેઠક પર જે ઉમેદવારને ટિકિટ આપી હતી, તેમને જિલ્લા પંચાયતની ટિકિટ નહીં મળતા પુત્રએ આક્રોશમાં આવી જઈ ફોર્મ ફાડી નાંખ્યું હતુ. ભાજપ સંગઠનમાં જૂથવાદના કારણે પિશાવર બેઠક ગુમાવવી પડે તેવી શક્યતાઓ વધી ગઈ છે.

આ પણ વાંચો: Local Body Poll 2021: Mahesanaમાં ભાજપે ટિકિટના આપતા રાકેશ શાહે ભર્યું અપક્ષમાંથી ફૉર્મ, લડી લેવાના મૂડમાં