સુરત પાસના આગેવાનોએ કોરોનાની ગાઈડલાઈનને કોરાણે મૂકીને સાપુતારામાં કર્યા ગરબા

સુરત શહેર અને જિલ્લામાં કોરોનાના કેસો દિવસે ને દિવસે વધી રહ્યા છે, ત્યારે આ સ્થિતિને જોતા ગુજરાતમાં ભલે નવરાત્રિના આયોજનો પડતા મુકાયા હોય પણ ગરબા રમવાવાળા પોતાનો શોખ પૂરો કરી જ રહ્યા છે. રાજકીય પાર્ટી બાદ હવે સુરત પાસના આગેવાનોએ સાપુતારામાં પ્રવાસ ગોઠવીને ગરબા રમીને ઉજવણી કરી હતી. જો કે આમાં પણ કોરોનાની ગાઈડલાઈનને કોરાણે મુકવામાં આવી હોવાનું દેખાયું હતું.

સાપુતારામાં ટેબલ પોઇન્ટ પર સુરત પાસના આગેવાનો અને કાર્યકરો ગરબે ઘુમતા દેખાઈ રહ્યા છે જોકે તેમાંથી એકેયે ના તો માસ્ક પહેર્યું છે કે ન તો સોશિયલ ડિસ્ટનસિંગ દેખાઈ રહ્યું છે. આ વીડિયો હાલ સોશિયલ મીડિયામાં ખૂબ વાયરલ થયો છે અને તેની ટીકાઓ પણ થઈ રહી છે.

પાસ કન્વીનર અલ્પેશ કથીરિયા પણ તેમાં ગરબે ઘૂમતા દેખાઈ રહ્યો છે. જોકે તેઓએ ફક્ત માનસિક તણાવ દૂર કરવા આ કાર્યક્રમ રાખ્યો હોવાનું જણાવ્યું હતું. નોંધનીય છે કે પાસ દ્વારા જ રાજકીય પાર્ટીઓના ગરબા કાર્યક્રમોને ખૂબ વખોડવામાં આવ્યો હતો અને હવે તેમના દ્વારા જ માસ્ક કે સોશિયલ ડિસ્ટનસિંગ વગર ગરબાનો કાર્યક્રમ યોજાતા શહેરમાં ચર્ચાનું કેન્દ્ર બન્યું છે.

આ પણ વાંચોઃતલનો પાક ગયો નિષ્ફળ…ખેડૂતે પાકમાં ચાંપી આગ!!!

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો