કાકડી સલાડ જ નહી, સૌંદર્યને પણ નિખારે છે, અજમાવવા માંગતા હોવ તો વાંચો આ લેખ

કાકડી ઠંડકની સાથે તાજગીથી ભરપૂર હોય છે. તેનાથી આંખોને આરામ મળે છે. અને શરીરને એનર્જી પણ. સલાડ સિવાય સૌંદર્યને નિખારવા માટે પણ કાકડીના ઉપયોગો જાણીને તમને આશ્ચર્ય થશે.

1). ઘણા લોકો થાકી જાય છે ત્યારે તાજગી મેળવવા કોફી, સોડા કે અન્ય કેફીનયુક્ત પદાર્થો પીએ છે. પણ તેનું વધુ પડતું સેવન સારું નથી હોતું. તેની જગ્યાએ તમે કાકડીનો ઉપયોગ કરી શકો છો. તેમાં રહેલા વિટામિન બી અને કાર્બોહાઇડ્રેટ એનર્જી અને તાજગીનો મોટો સ્ત્રોત છે.

2). સ્ટેનલેસ સ્ટીલના વાસણ અને નળને સાફ કરવા કેમિકલયુક્ત ક્લીનરનો ઉપયોગ કરો છો, તો કાકડીના એક મોટા ટુકડાથી તેને ઘસીને સાફ કરી જુઓ, તેનાથી હાથોને પણ કોઈ નુક્શાન નહિ થાય.

3). જો તમને તાત્કાલિક અને સરળ ફેશિયલ લુક જોઈએ છે તો, કાકડીના ટુકડાને પાણીમાં નાંખીને ઉકાળી લો. અને ચહેરા પર તેની સ્ટીમ લો. ચહેરો સાફ અને ચમકદાર દેખાશે.

4). માથાના દુઃખાવા માટે વારંવાર દવા લેવાના બદલે અડધી કાકડી ખાઓ અને સુઈ જાઓ, જલ્દી આરામ મળશે. કાકડીમાં વિટામિન બી, શુગર અને ઇલેક્ટ્રોલાઇટ્સ સારા પ્રમાણમાં હોય છે, જે શરીરમાં ઓછા થયેલા પોષકતત્વોની ભરપાઈ કરે છે.

5). તેનાથી મોઢાની વાસ દૂર થાય છે. કાકડીના ટુકડાને એક મિનિટ સુધી તાળવા પર ચીપકાવીને રાખો, તેનાથી કાંદા લસણની ગંધ જલ્દી જતી રહેશે. તડકામાં સનબર્નથી થતા બળતરામાં પણ રાહત આપે છે.