Jamnagar : જામનગર જિલ્લા દૂધ સંઘ તેમજ સાબર ડેરીએ દૂધના ફેટના ભાવમાં કર્યો વધારો, પશુપાલકો ખુશખુશાલ
હાલ રાજકોટ જિલ્લા દૂધ સંઘ દ્વારા 7.55 રૂપિયા ભાવ ચૂકવવામાં આવે છે. જ્યારે જામનગર દૂધ સંઘ દ્વારા 790 કિલો ફેટના આ ભાવ વધારાથી જામનગર જિલ્લાના પશુપાલકોમાં ખુશી વ્યાપી ગઈ હતી.
જામનગર જિલ્લાના દૂધ ઉત્પાદન સહકારી સંઘના ચેરમેન કાન્તિલાલ ગઢિયા દ્વારા દૂધનો કિલો ફેટે 10નો વધારો કરવાનો નિર્ણય કરવામાં આવ્યો હતો. દૂધમાં પ્રતિ કિલો ફેટના ભાવ વધારો મહિનામાં બીજી વાર કરવામાં આવ્યો હતો તેનાથી પશુપાલકોને ફાયદો થશે. અગાઉ કિલો ફેટ દીઠ 780 હતા અને હવે વધારીને કિલો ફેટ દીઠનો ભાવ વધીને 790 કરવામાં આવ્યો
પશુપાલકને કિલો ફેટે 10નો વધારો મળશે
હાલ રાજકોટ જિલ્લા દૂધ સંઘ દ્વારા 7.55 રૂપિયા ભાવ ચૂકવવામાં આવે છે જ્યારે જામનગર દૂધ સંઘ દ્વારા 790 કિલો ફેટના આ ભાવ વધારાથી જામનગર જિલ્લાના પશુપાલકોમાં ખુશી વ્યાપી ગઈ હતી.
સાબર ડેરીએ દુધના પ્રતિ કિલો ફેટે રૂ. 20નો ભાવ વધારો કર્યો
તો સાબર ડેરીએ પણ ગત રોજ ભેંસના દૂધમાં રૂપિયા 20નો વધારો કર્યો હતો આ ભાવ વધારાને પગલે રૂપિયા 800 પ્રતિ ફેટે મળશે. તો ગાયના દૂધનો ભાવ કિલો ફેટના રૂપિયા 765 મળશે. આ ભાવવધારાને કારણે સાબરકાંઠા અને અરવલ્લી જિલ્લાના સાડા ત્રણ લાખ પશુપાલકોને ફાયદો થશે. સાબર ડેરી દ્વારા જાહેર કરવામાં આવેલો ભાવ વધારો 21 જાન્યુઆરીથી અમલમાં મૂકવામાં આવશે.