જંબુસરમાં વીજફોલ્ટના કારણે 20 દુકાનદારોમાં લાખોના નુકશાનનો અંદાજ લગાવી રહ્યો છે. ટ્રાન્સફોર્મર પર સમારકામ સમયે અચાનક ફોલ્ટ સર્જાતા અલ મહમૂદ શોપિંગ સેન્ટરમાં ઉપકરણો ફૂંકાયા છે.
જંબુસર ભરૂચ રોડ પર જીઇબી કચેરી પાસે અલ મહમૂદ શોપિંગ સેન્ટર આવેલું છે જ્યાં આશરે 20 જેટલી અલગ અલગ ધંધા રોજગારની દુકાનો આવેલી છે. શોપીંગ સેન્ટર સામે ટ્રાન્સફોર્મર સેક્શન આવેલ છે જ્યાં સમારકામનું કામ આજે ચાલી રહ્યું હતું જે દરમ્યાન અચાનક ફોલ્ટ સર્જાયો હતો. ઘટનામાં દુકાનોના પંખા, સીસીટીવી કેમેરા, બલ્બ ,પીયુસી મશીન, કોમ્પ્યુટર તથા વેલ્ડિંગ મશીન સહિત ઇલેક્ટ્રિક સાધનોને લાખોનું નુકસાન થવા પામી છે.
બનાવ અંગે શોપિંગ સેન્ટરના દુકાન ધારકો રજુઆત કરવા વીજકંપનીની કચેરીએ પહોંચ્યા હતા જ્યાં ઉગ્ર વાતાવરણ સર્જાયું હતું . વીજકંપનીના ફોલ્ટ દ્વારા થયેલ નુકસાનનું વળતર ચૂકવવામાં આવે તેવી દુકાનધારકોએ માંગ કરી હતી.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો