VIDEO: લાયસન્સ કઢાવનારા લોકો માટે ગુજરાત સરકારે આપ્યા સારા સમાચાર, આ જૂનો નિયમ કર્યો રદ

હવે ગુજરાતમાં અભણ પણ ટ્રક-બસ-ટ્રેલર જેવા હેવી વાહનોનાં લાઇસન્સ કઢાવી શકશે. રાજ્ય સરકારે કેન્દ્ર સરકારના નિર્ણયને અનુસરતા ભારે વાહનનું ડ્રાઇવિંગ લાયસન્સ મેળવવા માટે ધોરણ 8 પાસની શૈક્ષણિક લાયકાતનો નિયમ રદ કર્યો છે. શૈક્ષણિક લાયકાતનો નિયમ રદ થતા હવે કોઈ અભણ અરજદાર પણ હેવી લાયસન્સ કઢાવવા માંગતો હોય તો તેણે શૈક્ષણિક પુરાવા આપ્યા વિના માત્ર ડ્રાઈવિંગ ટેસ્ટ આપીને પણ ટ્રાન્સપોર્ટ પ્રકારના વાહનો માટેનું લાઈસન્સ કઢાવી શકે છે.

અગાઉ ટ્રાન્સપોર્ટ પ્રકારના વાહનો માટે અત્યાર સુધી 8 ધોરણ પાસ ફરજિયાત હોવાનો નિયમ અમલી હતો. પરંતુ દેશમાં રોજગારીની તકો વધારવા અને ટ્રાન્સપોર્ટ સેક્ટરમાં પડેલી લાખો ડ્રાઈવરોની અછતને પહોંચી વળવા કેન્દ્ર સરકારે હવે ડ્રાઈવિંગ લાઈસન્સ કઢાવવા માટે નિર્ધારિત શૈક્ષણિક લાયકાત હોવાનો નિયમ રદ કર્યો હતો. કેન્દ્ર સરકારના આ નિયમને અનસુરતા હવે ગુજરાતમાં પણ અભણ વ્યક્તિ રિક્ષા, બસ, ટ્રક, ટ્રેલર જેવા હેવી અને ટ્રાન્સપોર્ટ વાહનો માટેના ડ્રાઈવિંગ લાઇસન્સ સરળતાથી કઢાવી શકશે.

રાજકોટ સહિત રાજ્યની તમામ આરટીઓમાં પણ આ નિયમ લાગુ કરી દેવાયો છે અને લાઈસન્સ માટેની સારથી વેબસાઈટમાં પણ હવે નવા નિયમ મુજબ અરજદારે કોઈપણ શૈક્ષણિક લાયકાતના પુરાવા આપ્યા વિના લાઇસન્સ કઢાવી શકશે. શૈક્ષણિક લાયકાત નાબૂદ કરવાનો હેતુ ડ્રાઈવરોની સંખ્યા વધારવાનો છે. હાલ દેશમાં હેવી ડ્રાઈવરની ભારે અછત પ્રવર્તે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો