ગુજરાતમાં વર્તમાન ચોમાસામાં અત્યાર સુધીમાં 70 ટકા વરસાદ વરસી ચૂક્યો છે. જેમાં સૌથી વધુ વરસાદ કચ્છ વિસ્તારમાં 205 ટકા વરસ્યો છે. જ્યારે સૌથી ઓછો વરસાદ ઉતર ગુજરાતમાં માત્ર 52 ટકા જ વરસાદ વરસ્યો છે. ગુજરાતના અન્ય વિસ્તારની વાત કરીએ તો સૌરાષ્ટ્ર વિસ્તારમાં 102 ટકા વરસાદ વરસ્યો છે. જ્યારે મધ્ય પૂર્વ ગુજરાતમાં 54 ટકા અને દક્ષિણ ગુજરાતમાં 58 ટકા જ વરસાદ વરસ્યો છે. દર વર્ષે ચોમાસામાં કચ્છમાં પ્રમાણમાં ઓછો અને દક્ષિણ ગુજરાતમાં પ્રમાણમાં વધુ વરસાદ વરસતો હોય છે. તેનાથી સાવ ઉલટુ ચિત્ર આ વર્ષે જોવા મળી રહ્યું છે. આ વર્ષે અત્યાર સુધીમાં કચ્છમાં જરૂરીયાત કરતા પણ બમણો વરસાદ વરસ્યો છે. તો દક્ષિણ ગુજરાતમાં સરેરાશ વરસાદનો અડધો જ કહેવાય એટલો વરસાદ વરસ્યો છે.
આ પણ વાંચોઃસુરતના લિંબાયત-પરવત પાટીયા વિસ્તારમાં ફરી વળ્યા ખાડીના પાણી, લોકોના ઘરમાં અઢી-ત્રણ ફુટ પાણી
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો