27 માર્ચના મહત્વના સમાચાર : ભારતમાં બાળકોના સોશિયલ મીડિયાને બેન કરવાની માંગ

ભાજપ સાંસદ નિશિકાંત દુબેની અધ્યક્ષતામાં ટેલિકોમ્યુનિકેશન અને આઇટી પરની સ્થાયી સમિતિએ 16 વર્ષથી ઓછી ઉંમરના બાળકો માટે સોશિયલ મીડિયાના ઉપયોગ પર પ્રતિબંધ મૂકવાની ભલામણ કરી છે. સમિતિ અનુસાર, ઘણા દેશોએ પહેલાથી જ આવા પ્રતિબંધો લાગુ કર્યા છે.

દેવભુમિ દ્વારકાના વાડીનાર પોર્ટ પરથી મોટી રાહતના સમાચાર સામે આવ્યા છે. મિડલ ઈસ્ટમાં વધતા તણાવ વચ્ચે ભારત માટે રાહતના સંકેત મળ્યા છે કે LPGથી ભરેલો “જગ વસંત “નામનો જહાજ વાડીનાર પહોચ્યું છે. જહાજ અંદાજે 16 હજાર મેટ્રિક ટન LPG લઈને આવી રહ્યો છે. ઘરેલુ ગેસ સપ્લાય માટે આ જથ્થો ખૂબ જ મહત્વપૂર્ણ માનવામાં આવે છે

પેટ્રોલ અને ડીઝલ અંગે ચાલી રહેલી અફવાઓ વચ્ચે, સરકારે એક મોટો નિર્ણય લીધો છે. સરકારે પેટ્રોલ પર એક્સાઇઝ ડ્યુટીમાં ₹3નો ઘટાડો કર્યો છે, જ્યારે ડીઝલ પર₹10નો સીધો ઘટાડો લાગુ કરવામાં આવ્યો છે.

વડોદરા નજીક રાણોલી GIDC વિસ્તારમાં પ્લોટ નંબર 219 માં અચાનક આગ લાગવાની ઘટના. અગમ્ય કારણોસર લાગેલી આગથી વિસ્તારમાં થોડીવાર માટે અફરાતફરીનો માહોલ સર્જાયો હતો. ઘટનાની જાણ થતા જ ફાયર બ્રિગેડની ટીમ તાત્કાલિક સ્થળ પર પહોંચી. ફાયર બ્રિગેડ દ્વારા આગ પર કાબૂ મેળવવા માટે કામગીરી શરૂ કરી છે.

અમદાવાદ: વિરમગામ શહેરમાં કલરની દુકાનમાં ભીષણ આગ લાગી હોવાની ઘટના સામે આવી છે. ગોળપીઠા વિસ્તારમાં આગના બનાવથી અફરાતરી મચી ગઈ છે.

યુદ્ધના 28મા દિવસે ટ્રમ્પનો સૌથી મોટો નિર્ણય, આગામી 10 દિવસ ઇરાનના ઉર્જા ઠેકાણા પણ US નહીં કરે હુમલા તેમજ ટ્રમ્પ ઇરાનના ઉર્જા સંયત્રો પર હુમલા પર લગાવી રોક 6 એપ્રિલ રાત્રે 8 વાગ્યા સુધી હુમલા પર રોક લગાવી છે.

પીએમ મોદી આજે મધ્ય પૂર્વની પરિસ્થિતિ અંગે વીડિયો કોન્ફરન્સિંગ દ્વારા રાજ્યોના મુખ્યમંત્રીઓ સાથે ચર્ચા કરશે.