23 ઓક્ટોબરના મહત્વના સમાચાર : ઓડિશા અને પશ્ચિમ બંગાળ પર દાના ચક્રવાતનો ખતરો, બંગાળની ખાડીમાં ઉદભવેલ ડીપ ડિપ્રેશન ફેરવાશે ચક્રવાત

સુરત: કાપડ માર્કેટમાં હિંદુ નામ ધારણ કરી ઠગાઇ કરી હોવાનું સામે આવ્યુ છે.  રિઝવાન સૈયદે જગદીશ કુમાવત નામ ધારણ કરી છેતરપિંડી આચરી. 70 લાખનું કાપડ ખરીદી કરી ઠગાઈ આચરી. ઠગાઈ કરવા માટે દુકાનનું નામ મહાવીર ટ્રેડિંગ રાખ્યું હતું. ઠગ ટોળકીની સરોલી અને ગોડાદરામાં દુકાન હોવાનું પણ સામે આવ્યુ છે.

અમદાવાદ: નકલી જજને આજે કોર્ટમાં રજૂ કરાશે. આરોપી મોરિસ સેમ્યુઅલ ક્રિશ્ચનને રિમાન્ડ માટે કોર્ટમાં રજૂ કરાશે. અગાઉ આરોપીને કોર્ટમાં રજૂ કરાયો ત્યારે PI વિરુદ્ધ ફરિયાદ કરી હતી. આરોપીએ PI દ્વારા માર મરાયો હોવાની કોર્ટમાં ફરિયાદ કરી હતી. આરોપીએ ફરિયાદ કરતાં મેડિકલ માટે કોર્ટે મંજૂરી આપી હતી. સાબરમતી જેલ તરફથી સારવાર સર્ટિફિકેટ રજૂ કરાશે. કારંજ પોલીસ દ્વારા આજે આરોપીના રિમાન્ડની માંગ  કરાશે.

બનાસકાંઠા: થરાદમાં ઝડપાયેલ શંકાસ્પદ ખાતરના નમૂના ફેલ ગયા છે. થરાદના એગ્રો સેન્ટરમાંથી ખાતર ઝડપાયું હતુ. 23થી વધુ કટ્ટા નકલી ખાતર હોવાનું સામે આવ્યું. આશીર્વાદ એગ્રો સેન્ટરમાંથી ડુપ્લીકેટ ખાતર ઝડપાયું હતુ. DAP ખાતરના નામે નકલી ખાતરનું વેચાણ થતુ હતુ. ખેડૂતની રજૂઆતના આધારે ખેતીવાડી વિભાગે કાર્યવાહી કરી હતી.

દિલ્હીના વસંત કુંજ વિસ્તારમાં એક ઘરમાં રહસ્યમય રીતે થયેલા વિસ્ફોટમાં ચાર લોકો ઘાયલ થયા છે. ઘાયલોની ઓળખ સની (20), અનિતા (40), આકાશ મંડલ (45), લક્ષ્મી મંડલ (45) તરીકે થઈ છે. દરેકને એઈમ્સમાં લઈ જવામાં આવ્યા છે. ફાયરની બે ગાડીઓ ઘટનાસ્થળે મોકલવામાં આવી હતી.

ભારતીય હવામાન વિભાગે આગાહી કરી છે કે બંગાળની ખાડી પર બનેલું નીચા દબાણનું ક્ષેત્ર બુધવાર (23 ઓક્ટોબર)ના રોજ ગંભીર ચક્રવાતમાં ફેરવાઈ જશે. વિભાગની આગાહી મુજબ, ગંભીર ચક્રવાતી તોફાન ‘દાના’ 24 ઓક્ટોબરે ઓડિશા અને પશ્ચિમ બંગાળને અડીને આવેલા દરિયાકાંઠે પહોંચશે, જેના કારણે આ બંને રાજ્યોમાં આગામી ત્રણ દિવસ એટલે કે ભારે વરસાદની સંભાવના છે. આ સિવાય વિભાગના જણાવ્યા અનુસાર ઝારખંડ અને બિહારમાં 24 ઓક્ટોબરની રાત્રે અને 25 ઓક્ટોબરની સવારે પણ વાવાઝોડાની અસર જોવા મળશે.

દિલ્હી: કોંગ્રેસ અધ્યક્ષ મલ્લિકાર્જુન ખડગે અને પાર્ટીના સાંસદ અને લોકસભા નેતા રાહુલ ગાંધી પોતપોતાના નિવાસસ્થાનથી રવાના થયા. તેઓ આજે વાયનાડ જશે. પ્રિયંકા ગાંધી વાડ્રા વાયનાડ પેટાચૂંટણી માટે ઉમેદવારી નોંધાવશે.

છેલ્લા ઘણા સમયથી ડિજિટલ અરેસ્ટના દૂષણે માઝા મૂકી છે. ડગલેને પગલે લોકોને હાઉસ અરેસ્ટ કરીને લાખો પડાવતી ગેંગે આંતક મચાવ્યો છે. ડિજિટલ અરેસ્ટના કિસ્સા વધતા પોલીસ પણ દોડતી થઈ છે. ત્યારે પહેલીવાર ડિજિટલ અરેસ્ટનો LIVE વીડિયો સામે આવ્યો છે. વડોદરાની મહિલા સાથે થયેલા ડિજિટલ અરેસ્ટનો વીડિયો સામે આવ્યો. વાઘોડિયા રોડ પર રહેતી મહિલાને ઘરમાં જ 4 કલાક સુધી હાઉસ અરેસ્ટ રાખી ટોર્ચર કરી. જુઓ આ LIVE વીડિયોમાં કેવી રીતે ઠગબાજ નકલી IPS અધિકારી બનીને વડોદરાની શિક્ષિકાને ડિજિટલ અરેસ્ટ કરીને પૈસા પડાવી લે છે.

સુરત: દિવાળી પહેલા નબીરાઓ બેફામ બન્યા છે. નબીરાઓએ રોકેટ સળગાવી રોડ પર ફેંક્યા હતા. હાથમાં રોકેટ સળગાવી જાહેર રસ્તા પર ફેંક્યા. સળગતા રોકેટ ફેંકી લોકોના જીવ જોખમમાં મૂક્યા. લોકોના જીવ જોખમમાં મૂકતા નબીરાઓનો વીડિયો વાયરલ થયો. વાયરલ વીડિયો વરિયાવ રિંગ રોડ નજીકનો હોવાનું અનુમાન છે.