ગુજરાત વિધાનસભાના આઠમા સત્રનો આજે બીજો દિવસ છે, જેમાં બપોરે 12 વાગ્યે તારાંકિત પ્રશ્નોત્તરીથી ગૃહની કાર્યવાહી શરૂ થશે. પ્રશ્નોત્તરી દરમિયાન જળસંપતિ અને પાણી પુરવઠા વિભાગ, મહિલા અને બાળ વિકાસ વિભાગ તેમજ સામાન્ય વહીવટ વિભાગ સંબંધિત પ્રશ્નો પર ચર્ચા હાથ ધરાશે. ત્યારબાદ બિનસરકારી સભ્યોના કામકાજ માટેની સમિતિનો નવમો અહેવાલ ગૃહમાં રજૂ કરવામાં આવશે. આવતીકાલે ગૃહમાં કુલ બે સરકારી વિધેયકો રજૂ થવાના છે, જેમાં ગુજરાત દુકાન અને સંસ્થા (રોજગાર નિયમન અને સેવાની શરતો) સુધારા વિધેયક અને સૌરાષ્ટ્ર ઘરખેડ, ગણોત વહીવટ પતાવટ અને ખેતીની જમીન (ગુજરાત સુધારા) વિધેયક પર ચર્ચા કરવામાં આવશે.
live now
17 ફેબ્રુઆરીના મહત્વના સમાચાર : PM મોદી અને ઇમેન્યુઅલ મેક્રોન આજે મુલાકાત કરશે, ફ્રાન્સના રાષ્ટ્રપતિ તેમની પત્ની સાથે મુંબઈ પહોંચ્યા
આજે 17 ફેબ્રુઆરીને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો…
LIVE NEWS & UPDATES
-
કચ્છ: અલક શક્તિ નામના જહાજમાં ભભૂકી આગ
કચ્છ: અલક શક્તિ નામના જહાજમાં આગ ભભૂકી ઉઠી. શારજા પોર્ટથી સિમેન્ટ ભર્યા બાદ એન્જિનમાં આગ ભભૂકી ઉઠી. યમન પાસે પહોંચતા જ જહાજમાં આગ લાગતા જહાજ બળીને ખાખ થઇ ગયુ છે. જહાજમાં સવાર સભ્યો દરિયામાં કૂદી જતાં આબાદ બચાવ થયો છે. આગ લાગવાના ચોક્કસ કારણો અંગે તપાસ શરૂ કરવામાં આવી છે. અલક શક્તિ જહાજ માંડવીમાં બન્યું હતું.
-
Stock Market News : આજે નિફ્ટીની સંભવિત દિશા-અસ્થિર રહેશે
આજે નિફ્ટીની સંભવિત દિશા – અસ્થિર રહેશે [બંને દિશાઓ]
-
-
બાંગ્લાદેશઃ તારિક રહમાન સરકારની આજે શપથવિધિ
બાંગ્લાદેશમાં આજે તારિક રહમાન સરકારની શપથવિધિ યોજાવાની છે, જેમાં તારિક રહમાન વડાપ્રધાન પદના શપથ લેશે. Bangladesh Nationalist Party (BNP)ના અધ્યક્ષ તરીકે તેમણે તાજેતરની સામાન્ય ચૂંટણીમાં 297માંથી 209 બેઠકો જીતી ભવ્ય જીત નોંધાવી છે. સાંજે 4 વાગ્યે બાંગ્લાદેશના રાષ્ટ્રપતિ તેમના શપથવિધિ સંચાલિત કરશે. શપથવિધિ સમારંભમાં ભારતમાંથી લોકસભાના સ્પીકર ઓમ બિરલા હાજરી આપશે. ઉપરાંત મોહમ્મદ Muizzu સહિત શ્રીલંકા અને તુર્કિયેના પ્રતિનિધિઓ પણ ઉપસ્થિત રહેશે. કુલ અંદાજે 1,200 જેટલા મહેમાનો આ ઐતિહાસિક સમારંભમાં હાજર રહેવાની શક્યતા છે.
-
વડોદરા : અલકાપુરી વિસ્તારમાં યુવકની બેરહેમીથી પીટાઇ
વડોદરાના અલકાપુરી વિસ્તારમાં એક યુવકની બેરહેમીથી પીટાઈનો બનાવ સામે આવ્યો છે. માહિતી મુજબ, ઇન્ડિયાબુલ મોલમાં આવેલી એક ઓફિસમાં યુવકને બંધક બનાવી કેટલાક યુવાનો અને યુવતીએ બેફામ માર માર્યો હતો. વાયરલ થયેલા વીડિયોમાં યુવક પર થપ્પડોના વરસાદ સાથે લાકડીઓથી હુમલો કરતા દ્રશ્યો જોવા મળે છે, જે ઘટનાની ગંભીરતા દર્શાવે છે. સમગ્ર મામલો સોશિયલ મીડિયા પર વાયરલ થતાં પોલીસે વીડિયોના આધારે તપાસ શરૂ કરી છે અને આરોપીઓની ઓળખ માટે કાર્યવાહી હાથ ધરી છે.
-
ગુજરાત વિધાનસભાના આઠમાં સત્રનો આજે બીજો દિવસ
-
-
જમ્મુ-કાશ્મીર: બાળ સંરક્ષણ ગૃહમાંથી બે પાકિસ્તાનીઓ ભાગી ગયા
જમ્મુ-કાશ્મીરમાં બાળ સંરક્ષણ ગૃહમાંથી બે પાકિસ્તાની કેદીઓના ફરાર થવાના બનાવે સુરક્ષા તંત્રને ચોંકાવી દીધું છે. માહિતી મુજબ, એક કેદીએ પોલીસ પર ગોળીબાર કરીને ભાગવાનો પ્રયાસ કર્યો, જેમાં અંધાધૂંધ ફાયરિંગ દરમિયાન બે પોલીસ કર્મચારીઓ ઘાયલ થયા છે. બનાવ બાદ સમગ્ર વિસ્તારમાં ચેકિંગ અને સર્ચ ઓપરેશન તેજ કરવામાં આવ્યા છે. India–Pakistan સરહદી વિસ્તારમાં હાઇ એલર્ટ જાહેર કરવામાં આવ્યું છે જેથી ભાગેડુઓને ઝડપી શકાય. સાથે જ કેદીઓ પાસે પિસ્તોલ કેવી રીતે પહોંચી તે મુદ્દે પણ સઘન તપાસ હાથ ધરવામાં આવી છે, જે સુરક્ષા વ્યવસ્થામાં મોટી ખામી દર્શાવે છે.
-
અમેરિકાનું રોડ આઇલેન્ડ અંધાધૂંધ ફાયરિંગથી ધણધણી ઉઠ્યું
અમેરિકાનું રોડ આઇલેન્ડ અંધાધૂંધ ફાયરિંગથી ધણધણી ઉઠ્યું. આઇસ હોકી રિંગમાં ગોળીબારને પગલે ભારે અફરાતફરી મચી ગઇ. ફાયરિંગની ઘટનામાં 3 લોકોના મોત થયા છે, જ્યારે અન્ય 3 લોકો ગંભીર રીતે ઇજાગ્રસ્ત બન્યા છે, જેમને નજીકની હોસ્પિટલમાં દાખલ કરવામાં આવ્યા છે.. પ્રાથમિક રિપોર્ટ અનુસાર ફાયરિંગ કરનાર એક યુવતી હતી. જેનું પણ મોત થયાના અહેવાલો છે. ઘટના બાદ પોલીસ અધિકારીઓનો કાફલો ઘટનાસ્થળે પહોંચ્યો હતો અને વધુ તપાસ હાથ ધરી હતી.. પોલીસની પ્રાથમિક તપાસમાં ખુલાસો થયો છે કે યુવતીએ કોઇ કૌટુંબિક વિવાદને પગલે આઇસ હોકી રિંગમાં ફાયરિંગને અંજામ આપ્યો હતો.. હાલ સમગ્ર મામલે પોલીસે ગુનો નોંધીને વધુ તપાસ હાથ ધરી છે.
-
પીએમ મોદી અને ઇમેન્યુઅલ મેક્રોન આજે મળશે
ફ્રાન્સના રાષ્ટ્રપતિ ઇમેન્યુઅલ મેક્રોન મંગળવારે સવારે ત્રણ દિવસની ભારત મુલાકાત માટે મુંબઈ પહોંચ્યા. 2017 માં પદ સંભાળ્યા પછી આ તેમની ભારતની ચોથી મુલાકાત છે. ભારત અને ફ્રાન્સ તેમના સંરક્ષણ, વેપાર અને ટેકનોલોજી સંબંધોને વધુ મજબૂત બનાવવા અંગે ચર્ચા કરશે. આજે, પીએમ નરેન્દ્ર મોદી મુંબઈમાં ફ્રાન્સના રાષ્ટ્રપતિ ઇમેન્યુઅલ મેક્રોન સાથે દ્વિપક્ષીય બેઠક કરશે. ભારતની તેમની ત્રણ દિવસની મુલાકાત દરમિયાન, મેક્રોન ગુરુવારે દિલ્હીમાં એઆઈ સમિટમાં પણ ભાગ લેશે. મેક્રોન અને તેમની પત્ની બ્રિજિટનું મુંબઈ એરપોર્ટ પર મહારાષ્ટ્રના રાજ્યપાલ આચાર્ય દેવવ્રત અને મુખ્યમંત્રી દેવેન્દ્ર ફડણવીસે સ્વાગત કર્યું.
આજે 17 ફેબ્રુઆરીને મંગળવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો…
Published On - 7:42 am, Tue, 17 February 26
