Ahmedabad Plane Crash Live Update : અમદાવાદ પ્લેન દુર્ઘટનામાં 290ના મોત થયાની આશંકા, ઘટના અંગે અમિત શાહે આપી પ્રતિક્રિયા, આ દુર્ઘટના છે તેને કોઈ રોકી શકે નહીં પરંતુ ડિઝાસ્ટર મેન્જમેન્ટની કામગીરી સરાહનિય

• રાજપથ ક્લબના ડીરેક્ટર દિલીપ પટેલનું પ્લેન ક્રેશ માં મોત
• પત્ની મીના પટેલ સાથે લંડન જવા નીકળ્યા હતા
• બંને પતિ-પત્ની દીકરીને મળવા લંડન જતા હતા
• તેમની સાથે જઈ રહેલ સુભાષ અમીન અને અચલા અમીનનું પણ નિધન

• સિવિલ હોસ્પિટલનો અંદરનો વીડિયો આવ્યો સામે
• PM રૂમમાં મૃત દેહોના ઢગલા જોવા મળી રહ્યા છે
• મૃતદેહોના ખડકલાનો વીડિયો વિચલિત કરે એવો
• પ્લેન ક્રેશના મૃતદેહોને PM રૂમ અને ઓલ્ડ ટ્રોમામાં રાખવામાં આવ્યા છે

• બીજે મેડિકલ કોલેજના મેસમાં પ્લેન ક્રેશ થતા ચાર વિદ્યાર્થીઓના મોત
• પાંચ વિદ્યાર્થીઓ સિરિયસ જયારે 13 વિદ્યાર્થીઓમેં સામાન્ય ઇજા પહોંચી
• મેસમાં વિદ્યાર્થીના 1 સબંધીનું મૃત્યુ, 3 મિસિંગ અને 2 સિરિયસ
• પરિવારમાં એક ડોક્ટરના પત્ની તો બીજા અન્ય ડોક્ટર ના સબંધી મિસિંગ

• હર્ષ સંઘવી અને વિકાસ સહાય સિવિલ હોસ્પિટલ પહોચ્યા
• સિવિલ સુપ્રિટેન્ડેન્ટ ની ઓફિસમાં અધિકારીઓ સાથે બેઠક
• અમદાવાદ પોલીસ કમિશનર સહિતના અધિકારીઓ અને સિવિલના ઉચ્ચ અધિકારીઓ ઉપસ્થિત
• ઘાયલોની સારવાર અને DNA ટેસ્ટ સહિતની બાબતોને લઈ ચર્ચાની શક્યતા

• અમદાવાદ પ્લેન ક્રેશ દુઘર્ટના
• સવારે 10 વાગ્યે વડાપ્રધાન નરેન્દ્ર મોદી અમદાવાદ એરપોર્ટ પર પહોચશે
• ઘટના સ્થળે અને સિવિલ હોસ્પિટલમાં ઇજાગ્રસ્તોને મળશે
• બાદમાં સર્કિટ હાઉસ ખાતે મિટિંગ કરી ને પરત જશે

• અમદાવાદની સિવિલ હોસ્પિટલમાં મૃતદેહોના ઢેર
• વિમાન દુર્ઘટનાની સૌથી ભયાનક તસવીર
• ન ઓળખી શકાય તેવી હાલતમાં છે મૃતદેહો
• ચેતનવંતા શરીર બની ગયા છે કોલસો !
• આ દ્રશ્યો આપને વિચલિત કરી શકે છે !
• અમદાવાદ સિવિલ હોસ્પિટલમાં મોતનું તાંડવ
• ફક્ત DNA ટેસ્ટથી મૃતકોની ઓળખ છે શક્ય

• અમદાવાદઃ પ્લેન ક્રેશ દુર્ઘટનામાં દીવના યાત્રીનો બચાવ
• દીવના પટેલવાડીના વિશ્વાસ ભાલિયા હતા પ્લેનમાં સવાર
• ઈજાગ્રસ્ત મુસાફર હાલ સિવિલ હોસ્પિટલમાં સારવાર હેઠળ
• ભાનમાં આવ્યો ત્યારે ચારેતરફ મૃતદેહો: વિશ્વાસ
• જોરદાર અવાજ સાથે પ્લેન ક્રેશ થયું: વિશ્વાસ
• મારો ભાઈ પણ પ્લેનમાં સવાર હતો: વિશ્વાસ કુમાર
• 11A સીટ પર બેઠા હતા વિશ્વાસ
• 11J પર વિશ્વાસના ભાઈ અજય ભાલિયા બેઠા હતા
• અજય ભાલિયા લાપત્તા છે

• ગૃહમંત્રી અમિત શાહે દુર્ઘટનાસ્થળની મુલાકાત લીધી
• ગૃહમંત્રી અમિત શાહે મેળવી સમગ્ર જાણકારી
• CM ભૂપેન્દ્ર પટેલ અને હર્ષ સંઘવી રહ્યા હાજર
• કેન્દ્રીય નાગરિક ઉડ્ડયન પ્રધાન પણ ઉપસ્થિત

• અમદાવાદમાં એર ઈન્ડિયાનું પ્લેન ક્રેશ
• વડોદરા પરણાવેલ નેન્સી પટેલ મૂળ બોડેલીની જે દુર્ઘટનાગ્રસ્ત ફ્લાઇટમાં હતી સવાર
• નેન્સી પટેલના મૃત્યથી બોડેલી પંથકમાં શોકનો માહોલ
• માતા પિતા બોડેલીથી અમદાવાદ જવા રવાના થયા છે

• અમદાવાદ પ્લેન ક્રેશ: ગૃહમંત્રી અમિત શાહ અમદાવાદ પહોંચ્યા
• અમિત શાહ નું વિમાન અમદાવાદ એરપોર્ટ પર થયું લેન્ડ

• અમદાવાદ પ્લેન ક્રેશ દુર્ઘટનામાં અમરેલીના નાગરિકનું મોત
• વાડિયાના વતની અર્જુનભાઈ મનુભાઈ પટોળીયા ફ્લાઇટ માં જતા હતા
• લંડનમાં પત્નીના અવસાન બાદ વતનમાં સગા સબંધીને ત્યાં આવી કેટલીક વિધિઓ ફૂલ પધરાવા માટે આવ્યા હતા
• આજે પરત જતી વખતે ઘટના બની પરિવારમાં 2 બાળકો છે હાલ લંડન છે
• બાળકોને લંડન મૂકી વતન વડિયા આવ્યા હતાં બેસણુ વિધિઓ કરી પરત જતા હતા
• અર્જુનભાઈને પિતા નથી માતા સુરત રહે છે

વિમાનના પાઈલટ સુમિત સુબ્બરવાલે છેલ્લી ઘડી May day કોલ કર્યો હતો. આ એક આંતરરાષ્ટ્રીય કટોકટી કોલ છે, જે પાઇલટ એવી પરિસ્થિતિમાં મોકલે છે જ્યારે વિમાન ગંભીર મુશ્કેલીમાં હોય અને તેને કટોકટીની મદદની જરૂર હોય. “મેડે” શબ્દ ફ્રેન્ચ શબ્દ “મ’એઇડેઝ” પરથી આવ્યો છે, જેનો અર્થ “મને મદદ કરો” થાય છે. તે ત્રણ વખત પુનરાવર્તિત થાય છે – “મેડે મેડે મેડે”

ગૃહરાજ્ય પ્રધાન હર્ષ સંઘવી પણ હાજર રહ્યા છે.  સિવિલ હોસ્પિટલમાં અધિકારીઓ અને ધારાસભ્ય સાથે બેઠક કરશે.

સૂત્ર દ્વારા પ્રાપ્તથતી માહિતી અનુસાર  સિવિલ હોસ્પિટલમાં 150 જેટલા મૃતદેહ હોવાની શક્યતા છે.

અમદાવાદ પ્લેન ક્રેશ ઘટનામાં , ઘટનાની માહિતી મળતાની સાથે જ ફાયર બ્રિગેડ અને પોલીસ તાત્કાલિક ઘટનાસ્થળે દોડી આવી છે. સુરક્ષા માટે સમગ્ર વિસ્તાર સીલ કરીને તમામ રસ્તાઓ બંધ કરી દેવામાં આવ્યા છે. આ પ્લેનમાં જે મુસાફરો સવાર હતા તેના નામ સહિતનું આખું લિસ્ટ અહીં આપવામાં આવ્યું છે.

સુરતથી CM ભૂપેન્દ્ર પટેલ સિવિલ હોસ્પિટલ પહોંચ્યા છે.  તેમજ થોડીવારમાં મિટીંગ કરવામાં આવશે. સમગ્ર દુર્ઘટનાની સ્થિતિનો તાગ મેળવશે.

બ્રિટનના વડાપ્રધાન કીર સ્ટાર્મરે અમદાવાદ પ્લેન ક્રેશની ઘટના પર  દુર્ઘટના પર વ્યક્ત કરી છે.

CM ભૂપેન્દ્ર પટેલ સાથે PM મોદીએ આ દુર્ઘટનાને લઈને વાતચીત કરી છે.

કેન્દ્રીય ગૃહપ્રધાન અમિત શાહે CM ભૂપેન્દ્ર પટેલ સાથે વાતચીત કરી છે.

ઈજાગ્રસ્ત લોકોને યુદ્ધના ધોરણે સારવાર આપવાનો આદેશ CM ભૂપેન્દ્ર પટેલે આપ્યો છે. તેમજ તમામ અધિકારીઓની રજાઓ રદ કરવામાં આવી છે.

અમદાવાદ પ્લેન ક્રેશની ઘટના પગલે અમદાવાદ પોલીસ કર્મચારીઓની તમામ રજાઓ રદ કરવામાં આવી છે. તેમજ તાત્કાલિક ધોરણે રજા પર ગયેલા કર્મચારીઓને પરત બોલાવવામાં આવ્યા છે.

રાજ્ય સરકારે  ઈમરજન્સી કંટ્રોલ રુમનો ફોન નંબર જાહેર કર્યો છે. કોઈ પણ વ્યક્તિ ફ્લાઈટ ક્રેશ અંગે અને સ્વજનની અંગે  8405304 અને 079-2320510900 નંબર પર ફોન કરી માહિતી મેળવી શકશે.

BJ મેડિકલ કોલેજના બોય્ઝ હોસ્ટેલ પર પ્લેન ક્રેશ થયુ છે. તેમાં 20 જેટલા વિદ્યાર્થીઓના મોતની આશંકા કરવામાં આવી રહી છે.જ્યારે 50 જેટલા મુસાફરોના મોતની આશંકા કરવામાં આવી છે.

એર ઈન્ડિયાએ હેલ્પલાઇન નંબર 1800-5691-444 જાહેર કર્યો

એર ઈન્ડીયા પ્લેન ક્રેશ થયુ તેમાં ક્રુ મેમ્બર સહિત 235 લોકો સવાર હતા. તેમાં બ્રિટનના 53 અને પોર્ટુગલના 7  પેસેન્જર હતા.

અમદાવાદનું એર ઈન્ડીયા પ્લેન ટેક ઓફની 5 મિનિટમાં જ  ક્રેશ થયું હોવાનું DGCA જણાવ્યું છે.  અમદાવાદ એરપોર્ટ પરની તમામ ફ્લાઈટ રદ કરવામાં આવી છે. તેમજ એરપોર્ટ બંધ કરવામાં આવ્યું છે.

પ્લેન ક્રેશની ઘટનાની જાણ થતા જ વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ અમદાવાદ રવાના થયા છે.

NDRFની 3 ટીમ ઘટના સ્થળે પહોંચ્યા છે. તેમજ વડોદરાની 2 NDRFની ટીમ અમદાવાદ આવવામાટે રવાના થયા છે.

સિવિલ હોસ્પિટલ સુધીની ગ્રીન કોરિડોર બનાવવામાં આવ્યો છે. મ્યુનિસિપલ કમિશનર અને પોલીસ કમિશનર ઘટના સ્થળ પર હાજર છે.

અમદાવાદના મેઘાણીનગરમાં જે પ્લેન ક્રેશ થયુ છે તેમાં  પૂર્વ CM વિજય રુપાણી હાજર હોવાની માહિતી છે.

અમદાવાદ: એર ઈન્ડિયાનું પેસેન્જર પ્લેન ક્રેશ થયું છે. ઘોડા કેમ્પ પાસે પ્લેન ક્રેશ થયુ છે. ફાયર વિભાગની ત્રણ ટીમો ઘટનાસ્થળે છે. IGB કમ્પાઉન્ડમાં પ્લેન તૂટી પડ્યું છે. દુર્ઘટના બાદ રસ્તાઓ બંધ થયા છે. પ્લેન ક્રેશ થતા નાસભાગ મચી હતી. દૂર સુધી કાળા ધુમાડાના ગોટે ગોટા દેખાયા. ટેક ઑફ સમયે પ્લેન ક્રેશ થયાની માહિતી છે. બપોરે 1:17 કલાકે વિમાને ઉડાન ભરી હતી. રહેણાંક વિસ્તારમાં વિમાન ક્રેશ થયું. એર ઈન્ડિયાનું AI-171 વિમાન ક્રેશ થયુ.

હવામાન નિષ્ણાત અંબાલાલ પટેલે આગાહી કરી છે કે 13 જૂનથી રાજ્યમાં ચોમાસાનું આગમન થશે. દક્ષિણ ગુજરાતમાં 26 જૂનથી ગાજવીજ સાથે વરસાદ પડશે. આંધી તૂફાન સાથે છૂટોછવાયો વરસાદ પડી શકે છે.

વલસાડ: ધમડાચી ગામ નજીક ગેસ લાઈનમાં ભંગાણ થતા ગેસ લીકેજની ઘટના બની છે. ગેસ લીકેજ થતા આગની જ્વાળા નીકળતા લોકોમાં ભયનો માહોલ છવાયો છે. ગેસ પુરવઠો બંધ કર્યા બાદ ગેસ લાઈનની રિપેરિંગ કામગીરી હાથ ધરાઈ. ઘટનાને લઈ ફાયર વિભાગની ટીમ પણ ઘટનાસ્થળે પહોંચી છે. તાત્કાલિક આગ પર કાબૂ મેળવવાની કામગીરી કરાઈ.

ગીર સોમનાથ: તાલાલાના ફાર્મ હાઉસમાં દારૂની મહેફિલ ઝડપાઈ છે. સુરવા-હડમતીયા રોડ પર એથીઝ ફાર્મ હાઉસમાં પોલીસે દરોડા પાડ્યા. દારૂની મહેફિલ માણી રહેલા 23 નશાખોર ઝડપાયા છે. દારૂની બોટલો સહિત 41.30 લાખનો મુદ્દામાલ જપ્ત કરાયો છે. તમામ આરોપી રાજકોટના ગોંડલના હોવાનું સામે આવ્યું છે.

EDએ બે રાજ્યોમાં 24 સ્થળોએ દરોડા પાડ્યા છે. રાજસ્થાન અને ગુજરાતમાં દરોડાની કાર્યવાહી ચાલુ છે. 2700 કરોડના ઇન્વેસ્ટર્સ કૌભાંડની તપાસ અંગે દરોડા પાડવામાં આવ્યા છે.

સુરત: ટેક્સટાઇલ માર્કેટમાં વેપારીએ 2 કર્મચારીને આપી તાલિબાની સજા આપવામાં આવી. અનમોલ ટેક્સટાઈલ માર્કેટમાં યુવકોને નગ્ન કરીને માર માર્યો. ચોરી કરી હોવાના આરોપ સાથે દુકાન માલિકે બર્બરતા કરી. દુકાનની બહાર જાહેરમાં લાકડીના ફટકા માર્યા. 3થી 4 કલાક સુધી ગોંધી રાખ્યા હોવાનો પણ આરોપ છે.

વડોદરાઃ ગુમ હેડ કોન્સ્ટેબલ હરિદ્વારથી મળી આવ્યો છે. અંતિમ ચિઠ્ઠી લખીને પોલીસકર્મી લાપતા થયો હતો. હેડ કોન્સ્ટેબલ હરિદ્વારમાં ગંગાકિનારેથી મળી આવ્યો. હેડ કોન્સ્ટેબલ બાપોદ પોલીસ મથકમાં ફરજ બજાવે છે.હેડ કોન્સ્ટેબલને લેવા વડોદરા પોલીસ હરિદ્વાર જવા રવાના થઇ.