09 જુલાઈના મહત્વના સમાચાર : ગુજરાતે જાહેર કરી ડેટા સેન્ટર પોલીસી, ગ્રીન એનર્જીનો ઉપયોગ 51 ટકા કરવો ફરજિયાત રહેશે, 6 લાખ કરોડના રોકાણની સંભાવના

સુરત શહેરમાં પડેલા વરસાદ અને ખાડી પૂર બાદ મુખ્યમંત્રી સુરતની મુલાકાતે આવી પહોંચ્યા છે. દક્ષિણ ગુજરાતમાં વરસાદી સ્થિતીને લઇને કરશે સમીક્ષા. તમામ કલેકટર અધિકારીઓ અને MLA સાથે બેઠકનું આયોજન કરવામાં આવ્યું છે. સુરતનાં ICCC ખાતે સમીક્ષા બેઠકનું આયોજન કરવામાં આવ્યું છે.

ગુજરાતમાં આજે ડેટા સેન્ટર પોલિસી લોન્ચ કરવામાં આવી છે.  જે ડેટા સેન્ટર બનશે એમાં ગુજરાત અને ભારત ડેટા માટે એપી સેન્ટર બનશે.  યુએસમાં 5400 ડેટા સેન્ટરમાં 16 થી 17 ગીગા વોટ કેપેસિટી છે, જ્યારે ભારતમાં 200 ડેટા સેન્ટર છે. આ પોલિસી લોન્ચ થાય એ પહેલા 14 લોકોએ 10 ગીગા વોટની કેપેસિટી વાળું ડેટા સેન્ટર બનાવવા પ્રપોઝલ આપ્યું છે. ગુજરાત ડેટા સેન્ટર હબ બનશે.  ધોલેરામાં 7 થી 8 ગીગા વોટ કેપેસિટીનું ડેટા સેન્ટર બનશે. રોજગારીનું સર્જન થશે. આ માટે પાણીની વધારે જરૂરી પડશે. દરિયામાંથી ડી સેલિનેશન કરીને પાણીનો ઉપયોગ કરવામાં આવશે. 51 ટકા ગ્રીન એનર્જીનો ઉપયોગ કરવો ફરજિયાત રહેશે. જેથી કુદરતી સંસાધનો પર બોજ નહિ પડે. રોકાણની વધારે પ્રપોઝલ પણ ગુજરાતને મળી છે. આ હાઈપર સ્કેલ ડેટા સેન્ટર છે એટલે નાના રોકાણકારો છે. મેટા અને ગુગલ જેવી પાર્ટી આવશે. ટ્રાન્સમિશન નેટવર્ક મજબૂત કરવામાં આવશે.  આ પોલિસી થકી 6 લાખ કરોડનું રોકાણ થવાની સંભાવના છે.

દાહોદના ઝાલોદમાં વાહન ભાડે રાખવાના બહાને ખેડૂતો સાથે મોટું કૌભાંડ સામે આવ્યું છે. સોલાર કંપનીના નામે 15 ખેડૂતોના વાહનો પચાવી પાડી ગેંગ ફરાર થઈ ગઈ છે. 13 ટ્રેક્ટર, 1 તુફાન અને 1બોલેરો મળી કુલ 15 વાહનો લઈને ભેજાબાજો થઈ ગયા ફરાર. 1 કરોડથી વધુની કિંમતના વાહનો લઈને ભેજાબાજો ફરાર થયા છે. આરોપીઓએ માસિક ભાડાની લાલચ આપી ખેડૂતોને જાળમાં ફસાવ્યા હતા. બે મહિના સુધી ભાડું ન ચૂકવી આરોપીઓએ વિશ્વાસઘાત કર્યો. માલપુર જઈ તપાસ કરતા સોલાર કંપની મળી નહિ આવતા કૌભાંડ થયુ હોવાનું સામે આવ્યું. આરોપીઓ મોબાઈલ સ્વિચ ઓફ કરી ફરાર થઈ જતા પંથકમાં ચકચાર. ભોગ બનનાર ખેડૂતોએ ઝાલોદ પોલીસ મથકે ફરિયાદ નોંધાવી. પોલીસે સમગ્ર મામલે તપાસનો ધમધમાટ શરૂ કર્યો.

ગુજરાતમાં ચાંદીપુરા વાઇરસે માથુ ઊંચક્યુ. પંચમહાલમાં 2 બાદ હિંમતનગરમાં 6 વર્ષનાં બાળકનું મોત થયુ છે. હિંમતનગર સિવિલમાં ચાંદીપુરા વાઈરસથી છ વર્ષના બાળકનું મોત થયુ. ચાર દિવસ અગાઉ રાજસ્થાનથી સારવાર માટે આવેલા બાળ દર્દીનુ મોત. અત્યાર સુધી હિંમતનગર સિવિલમાં ચાંદિપુરા વાઈરસના પાંચ શંકાસ્પદ કેસ દાખલ હોવાનું સામે આવ્યું છે. એક બાળ દર્દીનુ મોત, 2 ના રીપોર્ટ નેગેટીવ તો અન્ય 2 ના રીપોર્ટની જોવાઈ રહી છે રાહ. હિંમતનગર સિવિલમાં શંકાસ્પદ લક્ષણો ધરાવતા બાળકોને અપાઈ રહી છે સારવાર. આરોગ્ય વિભાગ બાળક નાં મોતને લઈને તંત્ર દોડતું થયુ.

અમદાવાદની નવી RTO કચેરીનું નાયબ મુખ્યમંત્રી વાહનવ્યવહાર મંત્રી હર્ષ સંઘવીના હસ્તે લોકાર્પણ કરવામાં આવ્યું છે. આ નવી આરટીઓ કચેરીમાં આગામી સોમવારથી AI ટ્રેક પર લેવાશે ટેસ્ટ. 3 માળ બિલ્ડિંગ 62 કરોડ રૂપિયાના ખર્ચે તૈયાર કરવામાં આવી નવી આરટીઓ કચેરી. સિંગલ વિન્ડો સિસ્ટમ ઉભી થતા અરજદારે દરેક બારી પર જવું નહીં પડે. કચેરીની એન્ટ્રી પર AC વેઇટિંગ હોલ તૈયાર કરાયો છે. AI બેઝ ટ્રેકિંગ સિસ્ટમ, CCTV થી સજ્જ કચેરીનું નિર્માણ કરવામાં આવ્યું છે. નાગરિક ફ્રેન્ડલી કચેરીથી નાગરિકોનું કામ સરળ થશે.

સુરત શહેરમાં ખાડી પૂર ઓસર્યા. પાણી નીકળતા અનેક સોસાયટીઓમાં ગંદકી જોવા મળી. સોસાયટીમાં રહીશોનો આરોપ કે કોઈ સાફ-સફાઈ કરવા માટે હજુ આવ્યા નથી. સોસાયટીના ઘરોમાં મોટા પ્રમાણમાં નુકસાન. લોકોના ઘરની તમામ વસ્તુઓ અનાજ કઠોળ, લાકડાની વસ્તુઓ બગડી ગયા. તમામ પાર્ટીના લોકો વોટ માટે સોસાયટીમાં આવે છે પણ આવી પરિસ્થિતિમાં કોઈ આવતું નથી. અનેક નાના પરિવાર માટે મોટી આફત આવી બની. ખાડી આજુબાજુ ના વિસ્તારોમાં પરિસ્થિતિ હજુ ખરાબ કીચડ ના થર જોવા મળ્યા.