05 ફેબ્રુઆરીના મહત્વના સમાચાર : AMCમાં નોકરી માટે મળશે અનામતનો લાભ, અમદાવાદ મનપા કમિશનર દ્વારા ડ્રાફ્ટ બજેટમાં જાહેરાત

રાજકોટના સમરસ ગર્લ્સ હોસ્ટેલમાં વિધાર્થીનીઓએ હોબાળો કર્યો છે. હોસ્ટેલમાં રહેતી વિધાર્થીનીઓએ ભોજન અને પાણીની હલકી ગુણવત્તા, બંધ લિફ્ટ અને સફાઈના અભાવનો વિરોધ પ્રદર્શન દ્વારા નોંધાવ્યો છે. ABVPના કાર્યકર્તાઓ પણ વિધાર્થીનીઓ સાથે હોસ્ટેલમાં પહોંચી હલ્લાબોલ કર્યો હતો. અનેક રજૂઆતો આપવા છતાં સમસ્યાનું યોગ્ય નિરાકરણ ન મળતા વિધાર્થીઓમાં રોષ જોવા મળ્યો છે.

સુરત શહેરમાં વાહન ચોરી કરતી એક ટોળકીનો પોલીસે પર્દાફાશ કર્યો છે. પુણા, સલાબતપુરા, કામરેજ સહિતના વિસ્તારોમાં થયેલી વાહન ચોરીના બનાવોનો ભેદ ઉકેલવામાં પોલીસને સફળતા મળી છે. તપાસમાં ખુલ્યું હતું કે આરોપીઓ હેન્ડલ લોક વિનાના વાહનોને નિશાન બનાવી ચોરી કરતા હતા. પુણા વિસ્તારમાંથી એક સગીર સહિત કુલ ત્રણ આરોપીઓની ધરપકડ કરવામાં આવી છે. આરોપીઓ પાસેથી બાઈક અને મોપેડ સહિત કુલ નવ વાહનો જપ્ત કરવામાં આવ્યા છે. પોલીસે અંદાજે રૂ. 2.80 લાખનો મુદ્દામાલ જપ્ત કરી વધુ કાર્યવાહી હાથ ધરી છે.

સુરત મહાનગરપાલિકાએ વેરાની બાકી વસૂલાત અંગે કડક વલણ અપનાવતા લિંબાયત ઝોનમાં વ્યાપક કાર્યવાહી હાથ ધરી હતી. બાકી વેરો ન ભરનાર વેપારીઓ સામે કાર્યવાહી કરતાં મનપાએ કુલ 107 દુકાનો સીલ કરી હતી. આ કાર્યવાહી દરમિયાન મનપાની લાલ આંખ જોઈને કેટલાક વેપારીઓએ સ્થળ પર જ બાકી વેરો ચૂકવી દીધો હતો. મનપાની આ ઝુંબેશ અંતર્ગત કુલ રૂ. 43 લાખ 74 હજારની વેરા વસૂલાત કરવામાં આવી છે. દુકાનો સીલ કરવાની કામગીરીને કારણે સમગ્ર વિસ્તારમાં વેપારીઓમાં ફફડાટનો માહોલ સર્જાયો હતો.

આજે નિફ્ટીની સંભવિત દિશા – નીચેની તરફ રહેશે [કેટલીક અસ્થિર ચાલ પણ]

અમદાવાદઃ સાણંદના નિર્માણ ગ્રીન બંગલોઝમાં દારૂની મહેફિલ પકડાઈ. લગ્નના 25 વર્ષની ઉજવણી પ્રસંગે પાર્ટીનું આયોજન કરવામાં આવ્યુ હતુ. દારૂ, હુક્કા અને લક્ઝુરીયસ ગાડીઓ જપ્ત કરવામાં આવી. 43 પુરુષ અને 38 મહિલાઓની અટકાયત કરવામાં આવી.

જતા જતા ફરી ગુજરાતમાં ઠંડીનો એટેક જોવા મળી રહ્યો છે. રાજ્યમાં ઉત્તર-પૂર્વથી પૂર્વ તરફના પવનો ફૂંકાયા. રાજ્ય પરથી વેસ્ટર્ન ડિસ્ટર્બન્સથી પવનની ગતિમાં વધારો જોવા મળી રહ્યો છે. શહેરોના લઘુતમ તાપમાન 3 થી 5 થી ડિગ્રીનો વધારો. રાજ્યનું સૌથી નીચું તાપમાન નલિયામાં 13.1 ડિગ્રી નોંધાયું. અમદાવાદમાં 18.7 ડિગ્રી, ડીસા 15.2 ડિગ્રી, ગાંધીનગર 18.4 ડિગ્રી તાપમાન, ભુજ 15.8 ડીગ્રી, પોરબંદર 16.3 ડિગ્રી, રાજકોટ 16.4 ડિગ્રી તાપમાન નોંધાયું.

અમદાવાદઃ પાલડીના ગૌતસ્કરીનો મામલો બહાર આવ્યો. ચંદ્રનગર બસ સ્ટેન્ડ પાસે અકસ્માત થતા ગૌતસ્કરી ખુલી. કારમાં ચાર ગૌવંશની તસ્કરી કરવામાં આવતી હોવાનું ખુલ્યુ. ગૌવંશની તસ્કરી મામલે એક પકડાયો, ત્રણ ફરાર થયા.

દિલ્હી પોલીસ ક્રાઈમ બ્રાન્ચે અલ ફલાહ યુનિવર્સિટીના ચેરમેન જવાદ સિદ્દીકીની ધરપકડ કરી છે. સૂત્રો સૂચવે છે કે આ ધરપકડ કથિત નાણાકીય છેતરપિંડી અથવા શંકાસ્પદ વ્યવહારો સાથે સંબંધિત હોઈ શકે છે.

અમદાવાદ મહાનગરપાલિકામાં નોકરીની તકમાં સામાજિક સમાનતા અને સમાવેશિતા સુનિશ્ચિત કરવા માટે પ્રથમવાર અનામતની જોગવાઈ અમલમાં મૂકવાની જાહેરાત કરવામાં આવે છે. આ મુજબ, મનપામાં થનારી નવી ભરતી પ્રક્રિયામાં કુલ 33 ટકા અનામત મહિલાઓ માટે અને 4 ટકા અનામત દિવ્યાંગ ઉમેદવારો માટે રાખવામાં આવશે. આ નિર્ણયથી મહિલાઓ અને દિવ્યાંગ વ્યક્તિઓને રોજગારની વધુ તકો પ્રાપ્ત થશે તેમજ તેઓને મુખ્ય પ્રવાહમાં જોડાવાનો અવસર મળશે. અમદાવાદ મહાનગરપાલિકા દ્વારા લેવામાં આવેલો આ મહત્વપૂર્ણ નિર્ણય સમાજના તમામ વર્ગોને સમાન તક આપવા દિશામાં એક સકારાત્મક પગલું સાબિત થશે.