Gujarat Election 2021 Result: ભાજપની ભવ્ય જીત બાદ મોદી-શાહે માન્યો જનતાનો આભાર

Gujarat Election 2021 Result: ગુજરાતમાં આજે 31 જિલ્લા પંચાયત 231 તાલુકા પંચાયત અને 81 નગરપાલિકાની યોજાયેલી ચૂંટણીના પરિણામ તબક્કાવાર જાહેર થઈ રહ્યા છે. જેમાં મોટા ભાગની બેઠકો પર ભગવો લહેરાયો છે. આ વચ્ચે વડાપ્રધાન નરેન્દ્ર મોદી અને ગૃહ પ્રધાન અમિત શાહે ટ્વીટ કરીને મતદારોનો આભાર માન્યો છે. પોતાની ટ્વીટમાં કહ્યું છે કે ગુજરાતની ગ્રામીણ જનતા તેમજ ખેડૂતોએ સરકારની કલ્યાણકારી નીતિઓ પર વિશ્વાસની મહોર લગાવી છે અને આ માટે થઈને તેઓ તેમનો આભાર માન્યો છે.

વડાપ્રધાન મોદીએ કર્યુ ટ્વીટ

ગુજરાતભરની નગરપાલિકા, તાલુકા પંચાયત અને જિલ્લા પંચાયતની ચૂંટણીના પરિણામોએ સ્પષ્ટ સંદેશો આપ્યો છે- ગુજરાતની જનતા ભાજપના વિકાસ અને સુશાસનના એજન્ડાનું દ્રઢતાપૂર્વક સમર્થન કરે છે. ભાજપ પ્રત્યેની અવિરત શ્રદ્ધા અને સ્નેહ માટે હું ગુજરાતની જનતાને નમન કરું છું.

— Narendra Modi (@narendramodi) March 2, 2021

ગૃહપ્રધાન અમિત શાહે કર્યુ ટ્વીટ 

આ વિજય ગરીબ, ખેડુતો અને ગામડાના વિકાસ અને કલ્યાણ માટે સમર્પિત વડાપ્રધાન શ્રી @narendramodi જીના નેતૃત્વમાં કાર્યરત ભાજપા સરકારોમાં જનતાના અતૂટ વિશ્વાસની જીત છે.

મોદીજીના નેતૃત્વ હેઠળની ભાજપા સરકારો દેશના ગરીબ, ખેડુતો અને વંચિત સમાજના કલ્યાણ અને વિકાસ માટે સતત કટિબદ્ધ છે.

— Amit Shah (@AmitShah) March 2, 2021

ત્યારબાદ અન્ય એક ટ્વીટ કરતાં કહ્યું હતું કે આ વિજય ગરીબ, ખેડૂતો અને ગામડાના વિકાસ અને કલ્યાણકારી માટે સમર્પિત વડાપ્રધાન નરેન્દ્ર મોદીના નેતૃત્વમાં કાર્યરત ભાજપ સરકારમાં જનતાના આતુટ વિશ્વાસની જીત ગણાવી હતી.