
વૈશ્વિક સ્તરે ગાંધીનગર સ્થિત નેશનલ ફોરેન્સિક સાયન્સ યુનિવર્સિટી સાથે જોડાઇને હવે ફ્લોરિડા ઇન્ટરનેશનલ યુનિવર્સિટી સંયુક્ત રીતે નજીકનાં ભવિષ્યમાં ફોરેન્સિક સ્ટડી સેન્ટરની સ્થાપના કરશે.
ફ્લોરિડા ઇન્ટરનેશનલ યુનિવર્સિટીનાં પ્રોવોસ્ટ એમિરેટ્સ ડો. કેનેથ ફર્ટનનાં કહેવા મુજબ અમારા માટે નેશનલ ફોરેન્સિક સાયન્સ યુનિવર્સિટી સાથે જોડાવવું એ ગૌરવની વાત છે.
ફ્લોરિડા યુનિવર્સિટીનાં તેમજ નેશનલ ફોરેન્સિક સાયન્સ યુનિવર્સિટીનાં વિદ્યાર્થીઓને ઘણો મોટા લાભ મળશે. આ સાથે જ ફ્લોરિડા ઇન્ટરનેશનલ યુનિવર્સિટીનાં ડો. કેવિન લોથરિજ જે મુખ્ય વૈજ્ઞાનિક અધિકારી છે, તેમજ પ્રોફેસર ડો. એસ. એસ. આયંગરે પણ કહ્યુ છે કે આ જોડાણ વૈશ્વિક સ્તરે ફોરેન્સિક ક્ષેત્રને નવો આયામ આપશે. ડો. આયંગરે કહ્યુ કે દેશની બંને બેસ્ટ ઇન્સ્ટીટ્યુશન્સ સાથે જોડાશે તે વૈશ્વિક સ્તરે મોટી સિદ્ધી હશે એમાં કોઇ બે મત નથી. ત્રણ દિવસ સુધી ચાલેલા આ એક્સ્ચેન્જ પ્રોગ્રામ દરમિયાન
કેનાઇન ફોરેન્સિક્સ, ન્યુક્લિયર ફોકેન્સિક્સ, CBRN કેસમાં તપાસ, આર્ટીફિશિયલ ઇન્ટેલિજન્સ, વાઇલ્ડ લાઇફ ફોરેન્સિક્સ, મશીન લર્નિંગ, સાયબર સિક્યોરિટી અને ડિજીટલ ફોરેન્સિક્સ વિષયો અંગે ચર્ચા કરવામાં આવી છે
બંને દેશોની આ યુનિવર્સિટીનાં સાથે આવવાથી ને્ટવર્ક ફોરેન્સિક, ક્વોન્ટમ ફોરેન્સિક, ડ્રોનની મદદથી અન્ડરવોટર એક્સ્પ્લોરેશન સહિતનાં મુદ્દાઓ પર મોટા લાભ મળવાનો છે.
NFSU નાં વાઇસ ચાન્સેલર ડો. જે. એમ. વ્યાસે પણ કહ્યુ કે બંને યુનિવર્સિટીમાં કોર્સની દ્રષ્ટિએ ઘણી બધી સામ્યતાઓ છે. પરંતુ અનુભવી હોવા છતાંય કેટલાંક સ્પેશ્યલાઇઝ્ડ એરિયામાં FIU હજી સુધી ગયુ નથી.. પરંતુ આ જોડાણથી આવનારાં વિદ્યાર્થીઓ માટે એક મોટી તક સ્ટુડન્ટ એક્સ્ચેજ મારફતે મહત્વનું સાબિત થઇ શકે છે..
Published On - 6:55 pm, Fri, 14 June 24