CM ભૂપેન્દ્ર પટેલની અધ્યક્ષતામાં આજે મળશે કેબિનેટ બેઠક, જાણો ક્યા મુદ્દાઓ પર થશે ચર્ચા ?

મુખ્યમંત્રી ભુપેન્દ્ર પટેલની (CM Bhupendra Patel) અધ્યક્ષતામાં આજે કેબિનેટ બેઠક (Cabinet Meeting) મળશે. મંત્રીઓ અન્ય પ્રવાસમા રહેવાના હોવાના કારણે સામાન્ય રીતે બુધવારે મળતી કેબિનેટ બેઠક અચાનક મંગળવારે બોલાવવામાં આવી છે. આજે બપોરે 2 વાગ્યે કેબિનેટ બેઠક મળશે. જેમાં કેન્દ્ર સરકારની(Central Govt)  8 વર્ષની ઉજવણી, PM મોદીનો ગુજરાત પ્રવાસ, પ્રિ મોન્સૂન પ્લાનિંગ, ખેડૂત વીજ બિલ અને આગામી શૈક્ષણિક સત્ર સહિતના મુદ્દાઓ પર ચર્ચા કરવામાં આવશે.

આ મુદ્દાઓ પર બેઠકમાં ભાર આપવામાં આવશે

કેન્દ્ર સરકારના(Modi Government)  આઠ વર્ષ પૂર્ણ થયા છે, તેની ઉજવણીના ભાગ રૂપે કેન્દ્રીય મંત્રીઓ ગુજરાતના પ્રવાસે છે. ત્યારે રાજ્ય સરકારના મંત્રીઓ સંમેલન અને બેઠકો અંગે ચર્ચા કરવામાં આવશે..ઉપરાંત વડાપ્રધાન નરેન્દ્ર મોદી ફરી એકવાર ગુજરાતની મુલાકાતે આવશે.આગામી 18 જૂને વડોદરાની મુલાકાતને લઇ તંત્રએ તૈયારીઓ શરૂ કરી છે,ત્યારે આ બેઠકમાં તૈયારીને લઈને પણ ચર્ચા કરવામાં આવી છે.તેમજ ચોમાસાને હવે ગણતરીના દિવસો બાકી છે,ત્યારે પ્રિમોન્સુન કામગીરી અને ખેડૂત વીજ બિલ જેવા મુદ્દાઓ પર ભાર આપવામાં આવશે.

તમને જણાવી દઈએ કે,કિસાન સંઘના (Kisan Sangh) પદાધિકારીઓના જણાવ્યા અનુસાર સરકાર પાસે અનેક વાર રજુઆત કરવા છતા નિરાકરણ ન આવતા હવે આંદોલનની રણનીતિ ઘડવામાં આવી રહી છે. કિસાન સંઘે સરકારને 10 દિવસનું અલ્ટિમેટમ આપ્યુ છે, તો તેના સમાધાનને લઈને પણ ચર્ચા કરવામાં આવશે.