VIDEO: ખરાબ રસ્તાને કારણે વાહનચાલકે ટોલટેક્સ ભરવાનો કર્યો ઇન્કાર, કહ્યું ‘પહેલા રસ્તા બનાવો પછી ટેક્સ ઉઘરાવો’

જૂનાગઢના કેશોદના ગાદોઈ ટોલનાકા પર એક વાહનચાલક અને ટોલટેક્સના કર્મચારી વચ્ચેની રકઝક સોશિયલ મીડિયામાં વાયરલ થઈ રહી છે. આ વાયરલ VIDEOમાં જે વ્યક્તિ કર્મચારી સાથે રકઝક કરી રહ્યો છે તે રાજકોટના કેશવ પરમાર છે. કેશવ પરમાર જ્યારે ગાદોઈ ટોલનાકા પર પહોંચ્યા ત્યારે તેમને ટોલટેક્સ ભરવાની ના પાડી દીધી હતી. આ વાહનચાલકનું કહેવું છે કે પહેલાં રસ્તા સુધરાવો પછી હું ટોલટેક્સ ભરીશ.

આ પણ વાંચો: VIDEO: વંદાવાળી ઈડલી! અમદાવાદના જાણીતા સંકલ્પ રેસ્ટોરન્ટના ઇડલી-સંભારમાંથી નીકળી જીવાત

એક તરફ વાહનચાલક ટેક્સ ભરવાની ના પાડી રહ્યો છે, તો બીજી તરફ ટોલટેક્સનો કર્મચારી પણ ટોલ ભરવો જ પડશે તેની હઠ પકડીને બેઠો છે. વાહનચાલક કેશવ પરમાર ખરાબ રસ્તાઓથી એટલી હદે હેરાન છે કે તેણે સામેથી ટોલનાકાના કાર્યકર્તાને કહ્યું કે ગુજરાત સરકારને નામજોગ ફરિયાદ કરો. પણ હું ટોલટેક્સ નહીં ભરું. સોશિયલ મીડિયામાં આ VIDEO વાયરલ થઈ રહ્યો છે.